اوڑی میں بڑی مقدار میں اسلحہ وگولہ بارود ضبط :پولیس

سرینگر//
شمالی ضلع بارہمولہ کے ہتھ لنگو اوڑی سیکٹر میں سیکورٹی فورسز نے بڑی مقدار میں اسلحہ وگولہ بارود اور قابل اعتراض مواد برآمد کرکے ضبط کیا۔
پولیس کے ایک ترجمان نے بتایا کہ مصدقہ اطلاع موصول ہونے کے بعد بارہ مولہ پولیس اور۳راجپوتانہ رائفلز نے ہتھ لنگو اوڑی سیکٹر میں تلاشی آپریشن شروع کیا ۔
ترجمان نے بتایا کہ مشترکہ آپریشن کے دوران سیکورٹی فورسز نے۸؍اے کے۴۷یو رائفلیں‘۲۴میگزین‘۱۲چینی پستول‘۲۴پستول میگزین‘نو چینی گرینیڈ‘ ۵پاکستانی گرینیڈ‘۸۱پاکستانی غبارے‘ ۵۶۰؍اے کے گولیوں کے راؤنڈ اور۲۴۴ پستول گولیوں کے راونڈ برآمد کئے ۔
پولیس نے معاملے کی نسبت کیس درج کرکے مزید تحقیقات شروع کی ۔