مرکزی حکومت نے ریاستوں کو ٹیکس کی منتقلی کیلئے ایک لاکھ ۱۶ہزار۶۶۵کروڑ روپے جاری کر دئے

نئی دہلی//
مرکزی حکومت نے آج ریاستوں کو ٹیکس کی منتقلی کیلئے ایک لاکھ ۱۶ہزار۶۶۵کروڑ روپے کی دو قسطیں جاری کیں۔
یہاں جاری ایک بیان میں، وزارت خزانہ نے کہا کہ ریاستوں کیلئے اس شے کیلئے ہر ماہ۵۸۳۳۳کروڑ روپے جاری کیے جاتے ہیں۔ اس ماہ دو ماہ کی رقم ایک ساتھ جاری کی گئی ہے ۔ سرمایہ اور ترقی سے متعلق اخراجات میں تیزی لانے کے لیے یہ رقم ریاستوں کو جاری کی گئی ہے ۔
اس میں گوا کے لئے سب سے کم۴۵۰کروڑ روپے جاری کیے ہیں جبکہ اتر پردیش کیلئے سب سے زیادہ۲۰۹۲۹ کروڑ روپے کی رقم جاری کی گئی ہے ۔ اس معاملے میں بہار۱۱۷۳۴کروڑ روپے کے ساتھ دوسرے نمبر پر ہے ۔
آندھرا پردیش۴۷۲۱کروڑ روپے ، اروناچل پردیش۲۰۵۰کروڑ روپے ‘ آسام ۳۶۴۹کروڑ روپے ، چھتیس گڑھ۳۹۷۵کروڑ روپے ، گجرات۴۰۵۸کروڑ روپے ، ہریانہ۱۲۷۵کروڑ روپے ، ہماچل پردیش ۹۶۸کروڑ روپے ‘ جھارکھنڈ۳۸۵۸کروڑ روپے ، کرناٹک ۲۵۴کروڑ روپے ، مدھیہ پردیش۹۱۵۸کروڑ روپے ، مہاراشٹر۷۳۷۰ کروڑ روپے ، منی پور۸۳۵کروڑ روپے ، میگھالیہ ۸۹۵کروڑ روپے‘ میزورم۵۸۳کروڑ روپے ‘ ناگالینڈ ۶۶۴کروڑ روپے‘اوڈیشہ۵۲۸۳ کروڑ روپے‘ پنجاب ۲۱۰۸کروڑ روپے‘ راجستھان۷۰۳۰کروڑ روپے ‘سکم ۴۵۳کروڑ روپے ، تمل ناڈو۴۷۵۹کروڑ روپے ، تلنگانہ۲۴۵۲کروڑ روپے ، تریپورہ۸۲۶کروڑ روپے ‘ اتراکھنڈ ۱۳۰۴کروڑ روپے اور مغربی بنگال۸۷۷۷کروڑ روپے شامل ہیں۔