حق خان پی دی پی سے مستعفی

سرینگر//
پیپلز ڈیموکریٹک پارٹی (پی ڈی پی) کو سنیچر کو ایک اور جھٹکا اس وقت لگا جب سینئر لیڈر اور سابق وزیر ایڈوکیٹ حق خان نے پارٹی سے استعفیٰ دے دیا۔
خان نے ایک بیان میں کہا’’میں بغیر کسی غیر یقینی کے اعلان کرتا ہوں کہ موجودہ سیاسی صورتحال کے پیش نظر میں نے اپنی سیاسی سرگرمیاں قطعی اور مکمل طور پر معطل کر دی ہیں۔ آج کے بعد سے، میرا اپنی سابقہ سیاسی جماعت، یعنی پی ڈی پی سے کوئی وابستگی نہیں ہے، اور یہ کہ میرے بیان کو میرا استعفیٰ سمجھا جائے‘‘۔
خان نے مزید کہا کہ اگست ۲۰۱۹ کے بعد بدلی ہوئی سیاسی صورتحال، اپنی خراب صحت اور ذاتی مصروفیات کی وجہ سے انہوں نے اپنی سیاسی سرگرمیاں پہلے ہی معطل کر دی تھیں۔