منڈی پونچھ میں ریچھ کے حملے میں د و افراد زخمی

سرینگر///
جموںکشمیر کے منڈی پونچھ علاقے میں ریچھ کے حملے میں دو افراد زخمی ہوئے جنہیں علاج ومعالجہ کی خاطر نزدیکی ہسپتال منتقل کیا گیا۔
سرکاری ذرائع نے بتایا کہ ہفتے کی صبح پونچھ کے تحصیل منڈی علاقے میں اُس وقت سراسیمگی دوڑ گئی جب ریچھ نے دو افراد پر حملہ کرکے اُنہیں لہولہان کیا۔
معلوم ہوا ہے کہ آس پاس موجود لوگوں نے زخمی کو طبی امداد کی خاطر نزدیکی ہسپتال منتقل کیا۔
زخمیوں کی پہچان عبدالغنی ولد سبحان ڈار اور عبدالرشید ولد عزیز ڈار کے بطور ہوئی ہے۔ہسپتال ذرائع کے مطابق دونوں کی حالت مستحکم ہے۔