وزیر اعظم آج انٹرپول کی ۹۰ویں جنرل اسمبلی سے خطاب کریں گے

سرینگر///
وزیر اعظم ‘نریندر مودی ۱۸؍اکتوبر کو پرگتی میدان، نئی دہلی میں۹۰ویں اِنٹرپول جنرل اسمبلی سے خطاب کریں گے۔
اِنٹر پول کی۹۰ویں جنرل اسمبلی۱۸ سے ۲۱؍اکتوبر تک منعقد ہوگی۔ میٹنگ میں اِنٹر پول کے۱۹۵ممبر ممالک کے نمائند شامل ہوں گے، جن میں وزراء، ممالک کے پولس سربراہان، نیشنل سینٹر بیورو کے سربراہان اور سینئر پولس افسران شامل ہوں گے۔
جنرل اسمبلی اِنٹر پول کی اعلیٰ ترین گورننگ باڈی ہے اور اس کے کام کاج سے متعلق اہم فیصلہ لینے کے لئے سال میں ایک بار میٹنگ کا انعقاد کرتی ہے۔
اِنٹر پول جنرل اسمبلی کی میٹنگ ہندوستان میں تقریباً ۲۵سال کے وقفے کے بعد منعقد ہورہی ہے۔
اس سے قبل یہ۱۹۹۷میں منعقد ہوئی تھی۔ہندوستان کی آزادی کے۷۵ویں سال کی تقریبات کے ساتھ نئی دہلی میں۲۰۲۲ میں اِنٹر پول جنرل اسمبلی کی میزبانی کرنے کی ہندوستان کی تجویز کو زبردست اکثریت کے ساتھ منظور کرلیا گیا تھا۔
یہ انعقاد پوری دنیا کے سامنے ہندوستان کے قابون و انتظام کے نظام میں اعلیٰ روایتوں کا مظاہرہ کرنے کا موقع فراہم کرتا ہے۔
اس موقع پر وزیر داخلہ ، اِنٹر پول کے صدر احمد نصر الرئیسی اور سیکریٹری جنرل جرگن اسٹاک، سی بی آئی کے ڈائریکٹر بھی موجود رہیں گے۔