مغربی کنارے//
فلسطین کے مقبوضہ مغربی کنارے میں اسرائیل فوج کی گولی لگنے سے زخمی ہونے والا فلسطینی اتوار 16 اکتوبر کو جاں بحق ہوگیا۔
فلسطینی وزارت صحت نے بتایا کہ 31 سالہ مجاہد داؤد سلفیت کے گاؤں بنی حسان میں قابض فوج کے ساتھ جھڑپوں کے دوران شدید زخمی ہوا اور پھر زخموں کی تاب نہ لاتے ہوئے چل بسا۔
صہیونی فوج نے 5 فلسطینی شہریوں کو گولیاں ماریں جن میں ایک داؤد شامل تھا۔ گولی اس کے سینے میں لگی تھی۔ اسے سلفیت کے سرکاری ہسپتال میں لے جایا گیا، حالت نہ سنبھلنے پر اسے رام اللہ کے استشاری ہسپال منتقل کردیا گیا لیکن وہ زخموں کی تاب نہ لاتے ہوئے شہید ہوگیا ہے۔