نیوزی لینڈ نے آخری لیگ میچ جیتا، پلے آف کے لیے کوالیفائی کرنے کی امید بہت کم

کرائسٹ چرچ// تجربہ کار اوپنر سوزی بیٹس (126) کی شاندار سنچری اور ہنا رووے (55 رن پر پانچ وکٹ) کی جارح گیند بازی کی بدولت نیوزی لینڈ نے 2022 کے آئی سی سی خواتین کرکٹ ورلڈ کپ کے اپنے آخری لیگ میچ میں ہفتہ کو پاکستان کو یکطرفہ انداز میں 71 رن سے شکست دی۔ تاہم اس کے پلے آف کے لیے کوالیفائی کرنے کے امکانات بہت کم ہیں۔
نیوزی لینڈ نے آخری میچ میں بڑی جیت کے ساتھ نہ صرف دو پوائنٹس حاصل کیے بلکہ اپنے نیٹ رن ریٹ کو بھی بہتر کیا۔ اس کے باوجود اس کے لیے ٹورنامنٹ کے سیمی فائنل تک پہنچنا بہت مشکل ہے۔ نیوزی لینڈ صرف ایک ہی صورتح ممیں سیمی فائنل میں پہنچ سکتا ہے ، اگر انگلینڈ اور ہندوستان اپنے آخری لیگ میچوں میں بڑے مارجن سے ہار جاتے ہیں۔
واضح رہے کہ نیوزی لینڈ سات لیگ میچوں میں سے تین میچ جیت کر چھ پوائنٹس اور +0.027 کے نیٹ رن ریٹ کے ساتھ پوائنٹس ٹیبل میں چھٹے نمبر پر ہے۔ دوسری جانب انگلینڈ اور ہندوستان چھ میچوں میں تین ہار اور تین جیت کے ساتھ چھ پوائنٹس کے ساتھ چوتھے اور پانچویں نمبر پر ہیں۔ انگلینڈ کا نیٹ رن ریٹ +0.778 ہے جو ہندوستان سے قدرے بہتر ہے۔ ہندوستان کا نیٹ رن ریٹ +0.768 ہے۔ دونوں ٹیموں کو اپنا آخری لیگ میچ اتوار کو کھیلنا ہے۔ انگلینڈ کا مقابلہ بنگلہ دیش سے ہو گا جبکہ ہندوستان کا مقابلہ جنوبی افریقہ سے ہو گا۔ ایسے میں نیوزی لینڈ انگلینڈ اور ہندوستان کے بڑے مارجن سے ہارنے پر ہی کوالیفائی کر سکتا ہے۔
نیوزی لینڈ آج کے میچ میں پہلے بیٹنگ کرتے ہوئے بیٹس نے 14 چوکوں کی مدد سے 135 گیندوں پر 126 رن کی شاندار سنچری کی بدولت 50 اووروں میں آٹھ وکٹوں پر 265 رن کا چیلنجنگ اسکور بنایا۔ پھر جواب میں فاسٹ بالر ہنا کی جارحانہ بالنگ کے بل بوتے پر پاکستان نے 50 اووروں میں 9 وکٹوں پر 194 رن بنا کر میچ جیت لیا۔ ہنا نے 10 اوورز میں 55 رن دے کر سب سے زیادہ پانچ وکٹ حاصل کئے۔ تاہم بیٹس کو ان کی میچ وننگ اننگز کے لیے ’پلیئر آف دی میچ‘ قرار دیا گیا۔
پاکستان کی جانب سے تجربہ کار آل راؤنڈر ندا ڈار نے شاندار آل راؤنڈ کارکردگی کا مظاہرہ کیا۔ انہوں نے 10 اووروں میں 39 رن پر سب سے زیادہ تین وکٹ لینے کے بعد بیٹنگ میں پانچ چوکوں اور ایک چھکے کی مدد سے 53 گیندوں میں 50 رن کی نصف سنچری والی اننگز کھیلی۔