اوڑی میں اسلحہ وگولہ بارود برآمد:پولیس

سرینگر//
شمالی ضلع بارہ مولہ کے ہتھ لنگو اوڑی میں سیکورٹی فورسز نے اسلحہ وگولہ بارود برآمد کرنے کا دعویٰ کیا ہے ۔
سرکاری ذرائع نے بتایا کہ مصدقہ اطلاع موصول ہونے کے بعد سیکورٹی فورسز نے ہفتے کی صبح اوڑی سیکٹر کے ہتھ لنگو علاقے کو محاصرے میں لے کر تلاشی آپریشن شروع کیا۔
ذرائع نے بتایا کہ تلاشی آپریشن کے دوران ایک کمین گاہ کا پتہ چلا جہاں سے سیکورٹی فورسز نے اے کے رائفل، ایک میگزین‘۲۸گولیوں کے راونڈ اور دوسرا قابل اعتراض مواد برآمد کرکے ضبط کیا۔
پولیس نے معاملے کی نسبت کیس درج کرکے مزید تحقیقات شروع کی ۔