پٹھان کے ساتھ کیے گئے برتاؤپروستارا ایئرلائنز نے تشویش ظاہر کی

دبئی//ممبئی ایئرپورٹ پر سابق تجربہ کار آل راؤنڈر اور کمنٹیٹر عرفان پٹھان کے ساتھ خراب برتاؤ کیا گیا ۔ وہ اپنی بیوی اور بچوں کے ساتھ ممبئی سے دبئی جا رہے تھے۔ اس کے بعد وستارا ایئر لائن کے آن گراؤنڈ عملے نے پٹھان سے اس کی بیوی کے سامنے خراب برتاؤ کیا ۔ ایشیا کپ میں ہندوستان اور پاکستان کی ٹیمیں اپنا پہلا میچ 28 اگست کو دبئی میں کھیلیں گی۔
37 سالہ سابق کرکٹر نے بدھ کی رات ایک سوشل پوسٹ میں اپنا درد شیئر کیا اور ذمہ داروں کے خلاف کارروائی کا مطالبہ بھی کیا۔ ایئر لائنز نے اس پر تشویش کا اظہار کیا ہے۔
پٹھان نے اپنے ٹویٹر ہینڈل میں لکھا-‘آج، میں وِسٹارا فلائٹ یوکے-201 میں ممبئی سے دبئی جا رہا تھا۔ چیک اِن کاؤنٹر پر، مجھے بہت برا تجربہ ہوا، وستارا نادانستہ طور پر میرے ٹکٹ کی کیٹیگری کو ڈاون گریڈ کر رہا تھا، جو کہ کنفرم بکنگ تھی ۔ اس کیس کے حل کے لیے مجھے کاؤنٹر پر ڈیڑھ گھنٹے انتظار کرنا پڑا۔ میرے ساتھ میری بیوی، میرے 5 سال اور 8 ماہ کے بچہ کو بھی اس سے گزرنا پڑا۔
عرفان نے لکھا کہ وستارا کے آن گراؤنڈ عملے نے میرے ساتھ برا برتاؤ کیا۔ ایئر لائنز کا عملہ میرے ساتھ ساتھ دیگر مسافروں کے ساتھ بھی غلط رویہ اختیار کررہا تھا۔ ایئر لائنز نے زیادہ ٹکٹیں فروخت کیں اور پھر مسافروں کو اس کا خمیازہ اٹھانا پڑا۔
پٹھان کے ذریعہ پوسٹ کے بعد وستارا نے پورے واقعہ پر تشویش کا اظہار کیا۔ پٹھان نے اپنے ٹویٹ پر لکھا- امید ہے کہ آپ @airvistara کو دیکھیں گے اور بہتری لائیں گے۔ تاہم، ایئر لائنز نے بعد میں ٹویٹ کیا اور پٹھان کے ساتھ کیے گئے سلوک پر تشویش کا اظہار کیا۔