پلوامہ میں ریچھ کے حملے میں معمر خاتون زخمی

سرینگر//
وادی کشمیر میں جنگلی جانوروں کا بستیوں میں نمودار ہوکر لوگوں پر حملہ آور ہونے کا سلسلہ جاری ہے ۔
جنوبی کشمیر کے ضلع پلوامہ کے سنگم ترال علاقے میں ایک ریچھ نے بدھ کو ایک معمر خاتون کو زخمی کر دیا۔ سرکاری ذرائع نے بتایا کہ پلوامہ کے سنگم ترال علاقے میں ایک ریچھ نے۵۵سالہ خاتون پر گھر کے نزدیک ہی حملہ کیا اور اس کو زخمی کر دیا۔خاتون کی شناخت رحمتی بیگم زوجہ غلام محمد ملک کے بطور ہوئی ہے ۔
ذرائع نے کہا کہ خاتون کو علاج ومعالجے کیلئے فوری طور پر سب ضلع ہسپتال ترال منتقل کیا گیا جہاں سے اس کو شری مہاراجہ ہری سنگھ ہسپتال سری نگر منتقل کیا گیا ہے ۔