سرینگر؍ یکم اکتوبر
جنوبی کشمیر کے پلوامہ ضلع کے کنگن علاقے میں جمعرات کو ایک گاڑی کی ٹکر سے۲۲ سالہ موٹر سائیکل سوار جاں بحق ہوگیا۔
ایک عہدیدار نے ایک مقامی خبر رساں ایجنسی کو بتایا کہ نوجوان موٹر سائیکل پر سوار تھا کہ پلوامہ کے کنگن علاقے میں ایک گاڑی نے اسے ٹکر مار دی۔
انہوں نے بتایا کہ نوجوان کو ابتدائی طور پر ضلع اسپتال پلوامہ لے جایا گیا، جہاں سے اس کی تشویشناک حالت کے پیش نظر اسے ایس ایم ایچ ایس اسپتال سرینگر منتقل کیا گیا۔ تاہم، اسپتال پہنچنے پر ڈاکٹروں نے اسے مردہ قرار دے دیا۔
متوفی کی شناخت عادل احمد چوپان(۲۲) ولد غلام محمد، ساکن یوسمرگ، بڈگام کے طور پر ہوئی ہے۔
حکام نے واقعے کا نوٹس لے لیا ہے، جبکہ حادثے اور اس میں ملوث گاڑی سے متعلق مزید تفصیلات کی تصدیق کی جا رہی ہے۔
۔۔۔۔۔
