بدھ, نومبر 18, 2026
  • ePaper
Mashriq Kashmir
  • پہلا صفحہ
  • تازہ تریں
  • اہم ترین
  • مقامی خبریں
  • قومی خبریں
  • عالمی خبریں
  • اداریہ
  • سچ تو یہ ہے
  • رائے
  • بزنس
  • کھیل
  • آج کا اخبار
No Result
View All Result
Mashriq Kashmir
  • پہلا صفحہ
  • تازہ تریں
  • اہم ترین
  • مقامی خبریں
  • قومی خبریں
  • عالمی خبریں
  • اداریہ
  • سچ تو یہ ہے
  • رائے
  • بزنس
  • کھیل
  • آج کا اخبار
No Result
View All Result
Mashriq Kashmir
No Result
View All Result
Home اہم ترین

جموںکشمیر اسمبلی کا خزاں اجلاس اختتام پذیر

 دس روز کے دوران اسمبلی کے سات اجلاس منعقد ہوئے، جن میں مجموعی طور پر۲۵ گھنٹے کارروائی ہوئی:اسپیکر راتھر

Nida-i-Mashriq by Nida-i-Mashriq
2026-10-01
in اہم ترین, تازہ تریں, ٹاپ سٹوری
A A
شور شرابے اور ہنگامہ آرائی کے بیچ اسمبلی کا بجٹ اجلاس غیر معینہ مدت کیلئے ملتوی
FacebookTwitterWhatsappTelegramEmail

 ایوان کو مجموعی طور پر ممبران سے۶۴۶ سوالات موصول ہوئے‘۷۹توجہ دلاؤ نوٹس ملے جن میں سے ۵۶ کو منظوری دی گئی

سرینگر؍۳۰ ستمبر

                جموں و کشمیر قانون ساز اسمبلی کا دس روزہ خزاں اجلاس بدھ کے روز ایوان کی کارروائی غیر معینہ مدت کے لیے ملتوی کیے جانے کے ساتھ اختتام پذیر ہوگیا۔

                بدھ کو تقریباً سات گھنٹے جاری رہنے والی کارروائی کے بعد اسپیکر عبدالرحیم راتھر نے ایوان کو غیر معینہ مدت کے لیے ملتوی کردیا۔

متعلقہ

’بیرونی افراد کی بھرتی ناقابل برداشت‘

سندیپ کھیروار کا سرینگر ہیڈکوارٹرز کا دورہ‘ آپریشنل امور کا جائزہ

                اسپیکر نے بتایا کہ دس روز کے دوران اسمبلی کے سات اجلاس منعقد ہوئے، جن میں مجموعی طور پر۲۵ گھنٹے کارروائی ہوئی۔انہوں نے کہا کہ ایوان کو مجموعی طور پر۶۴۶ سوالات موصول ہوئے، جن میں۳۲۸ سوالات ستارہ زدہ تھے۔اسپیکر کے مطابق۶۲۵ سوالات فہرست میں شامل کیے گئے، ایک سوال واپس لے لیا گیا جبکہ۲۵ سوالات مسترد کردیے گئے۔

                 راتھر نے بتایا کہ ایوان کو توجہ دلاؤ نوٹس کے۷۹ معاملات موصول ہوئے، جن میں سے۲۳ مسترد کیے گئے جبکہ۵۶ کو منظوری دی گئی۔انہوں نے کہا کہ حکومت کی جانب سے دو قراردادیں پیش کی گئیں اور دونوں منظور کرلی گئیں۔ نجی ارکان کی جانب سے۷۰ قراردادیں موصول ہوئیں، جن میں سے سات کو فہرست میں شامل کیا گیا، جبکہ ایک قرارداد ایوان میں پیش کی گئی لیکن منظور نہیں ہوسکی۔

                اسپیکر نے بتایا کہ حکومت نے آٹھ بل پیش کیے، جن میں سے چھ منظور کرلیے گئے جبکہ دو بل واپس لے لیے گئے۔راتھر نے کہا کہ نجی ارکان کے۴۹ بل زیر التوا تھے، جبکہ۲۳ نئے بل پیش کیے گئے، جن میں سے ایک کو مسترد کردیا گیا۔ ان میں سے ایک بل ایوان میں زیر بحث لایا گیا۔

                ارکان کا شکریہ ادا کرتے ہوئے اسپیکر نے کہا، ’’بحیثیت پریزائیڈنگ افسر میرا کام یہ ہے کہ آپ کو مواقع فراہم کروں تاکہ آپ عوام کے مسائل ایوان میں اٹھا سکیں۔ میں نے پہلے ہی دن کہا تھا کہ میری کوشش ہوگی کہ کوئی بھی رکن یہ محسوس نہ کرے کہ اس کے ساتھ امتیازی سلوک کیا گیا ہے۔ جس دن میں منتخب ہوا، میں نے کہا تھا کہ اب میرا تعلق کسی جماعت سے نہیں ہے اور میں بغیر کسی تعصب کے اپنی ذمہ داری انجام دوں گا۔ میں نے اپنی استطاعت کے مطابق غیر جانب دار رہنے کی کوشش کی ہے۔‘‘

                ارکان سے اپنی بات چیت کا حوالہ دیتے ہوئے راتھر نے کہا کہ انہوں نے محسوس کیا ہے کہ زیادہ تر ارکان ایوان کی کارروائی میں خلل ڈالنا نہیں چاہتے، تاہم ’’ممکن ہے کہ بعض حلقوں کی جانب سے ان پر کارروائی میں خلل ڈالنے کے لیے دباؤ ہو۔‘‘

                اسپیکر نے مزید کہا، ’’میں اجلاس کے ہر لمحے کو بروئے کار لانے کے لیے آپ کا شکریہ ادا کرنا چاہتا ہوں۔ میں آپ کی کوششوں کو سراہتا ہوں۔ عوام نے آپ کو منتخب کرکے درست فیصلہ کیا ہے۔‘‘اسپیکر نے مستقبل میں بھی ارکان سے تعاون کی اپیل کی۔

                راتھر نے کہا، ’’میں آپ کی مدد کرنا چاہتا ہوں۔ اگر حکومت کسی یقین دہانی کو پورا نہیں کرتی تو میرے علم میں لائیں۔ حکومت اس ایوان کے سامنے جوابدہ ہے۔ جب حکومت جوابدہ ہوتی ہے تو ایوان کا وقار برقرار رہتا ہے۔‘‘

                اپنی برطرفی کے لیے اپوزیشن بی جے پی کی جانب سے پیش کی گئی تحریک کا حوالہ دیتے ہوئے راتھر نے کہا کہ وہ اپنے کردار پر ہونے والی بحث سے خوش ہیں کیونکہ ’’اس سے مجھے اپنی خامیوں کو دور کرنے میں مدد ملے گی۔‘‘انہوں نے کہا، ’’میں نے عدم اعتماد کی تحریک کے بارے میں کوئی فیصلہ نہیں کیا ہے، لیکن میں نے ایک تبصرہ پڑھا ہے جس میں کہا گیا ہے کہ یہ تحریک ازخود ختم ہوجاتی ہے۔ قواعد کے مطابق کسی تحریک کو کارروائی کی فہرست میں شامل کرنے کے لیے کم از کم۱۴ دن درکار ہوتے ہیں۔۱۴ دن کے بعد اسمبلی کا کوئی اجلاس نہیں ہوگا۔‘‘

                راتھر نے بتایا کہ انہوں نے قانون ساز اسمبلی کے سیکریٹری سے بھی کہا ہے کہ ایسا راستہ تلاش کیا جائے جس سے یہ تحریک ازخود ختم نہ ہو۔انہوں نے کہا، ’’میں نے ان سے کہا ہے کہ اس معاملے پر قانونی رائے کے لیے اسے محکمہ قانون کو بھی بھیجا جائے۔ میں تمام ارکان سے اپیل کرتا ہوں کہ وہ اس معاملے میں میری مدد کریں۔ میں چاہتا ہوں کہ یہ تحریک ایوان میں آئے، لیکن صرف قواعد کے مطابق۔‘‘

۔۔۔۔۔۔(ندائے مشرق خبر)

ShareTweetSendShareSend
Previous Post

’موسیٰ کی ہلاکت سے جموں و کشمیر میں لشکر طیبہ کے نیٹ ورک کو بڑا دھچکا‘

Next Post

ٹرانسپورٹ محکمہ کا۲۵ سال پرانی تجارتی گاڑیوں  کے خلاف کارروائی کا حکم

Nida-i-Mashriq

Nida-i-Mashriq

Related Posts

’بیرونی افراد کی بھرتی ناقابل برداشت‘
اہم ترین

’بیرونی افراد کی بھرتی ناقابل برداشت‘

2026-11-18
سندیپ کھیروار کا سرینگر ہیڈکوارٹرز کا دورہ‘ آپریشنل امور کا جائزہ
اہم ترین

سندیپ کھیروار کا سرینگر ہیڈکوارٹرز کا دورہ‘ آپریشنل امور کا جائزہ

2026-11-18
چیمبر آف کامرس کا حکومت کو سات روزہ الٹی میٹم، ہوٹلوں اور ریستورانوں کی بندش کی وارننگ
اہم ترین

چیمبر آف کامرس کا حکومت کو سات روزہ الٹی میٹم، ہوٹلوں اور ریستورانوں کی بندش کی وارننگ

2026-11-18
کولگام جھڑپ:’نثار ڈار دہشت گردوں کوپناہ دیتا تھا‘
اہم ترین

کولگام جھڑپ:’نثار ڈار دہشت گردوں کوپناہ دیتا تھا‘

2026-11-18
لداخ میں پنچایتی اور بلدیاتی انتخابات کی تیاریاں‘ ریاستی الیکشن کمشنر کاانتظامات کا جائزہ
اہم ترین

لداخ میں پنچایتی اور بلدیاتی انتخابات کی تیاریاں‘ ریاستی الیکشن کمشنر کاانتظامات کا جائزہ

2026-11-18
ڈاکٹر سجن سنگھ یادو آج جموں   کشمیر کے نئے چیف  سیکریٹری کا عہدہ سنبھالیں گے
اہم ترین

ڈاکٹر سجن سنگھ یادو آج جموں  کشمیر کے نئے چیف سیکریٹری کا عہدہ سنبھالیں گے

2026-11-18
دسویں جماعت کے سالانہ امتحانات کا ڈیٹ شیٹ جاری
اہم ترین

امتحانی مراکز میں موبائل فون  کے مبینہ استعمال اور نقل کا معاملہ، تحقیقات کا حکم

2026-11-18
کٹھوعہ جھرپ: چار پولیس اہلکاراور دو ملی ٹینٹ ہلاک‘ آپریشن جاری:پربھات
اہم ترین

کولگام میں سی آر پی ایف کیمپ پر حملے کی تحقیقات کے دوران کچھ سرغ ملے ہیں‘تفصیلات شیئر نہیں کر سکتے : کھیرواڑ

2026-11-17
Next Post
ٹرانسپورٹ محکمہ کا۲۵ سال  پرانی تجارتی گاڑیوں   کے خلاف کارروائی کا حکم

ٹرانسپورٹ محکمہ کا۲۵ سال پرانی تجارتی گاڑیوں  کے خلاف کارروائی کا حکم

جواب دیں جواب منسوخ کریں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

I agree to the Terms & Conditions and Privacy Policy.

  • ePaper

© Designed by GITS - Nida-i-Mashriq

No Result
View All Result
  • پہلا صفحہ
  • تازہ تریں
  • اہم ترین
  • مقامی خبریں
  • قومی خبریں
  • عالمی خبریں
  • اداریہ
  • سچ تو یہ ہے
  • رائے
  • بزنس
  • کھیل
  • آج کا اخبار

© Designed by GITS - Nida-i-Mashriq

This website uses cookies. By continuing to use this website you are giving consent to cookies being used. Visit our Privacy and Cookie Policy.