ہاکی انڈیا جونیئر خواتین قومی چیمپئن شپ: راجستھان، جموں و کشمیر اور میزورم کی شاندار کامیابیاں

پونے، 12 اگست (یواین آئی) ہاکی انڈیا جونیئر خواتین قومی چیمپئن شپ 2026 کے ڈویژن ’بی‘ اور ’سی‘ کے افتتاحی روز ہاکی راجستھان، ہاکی جموں و کشمیر اور ہاکی میزورم نے شاندار کامیابیاں حاصل کیں۔
ڈویژن ’سی‘ میں ہاکی راجستھان نے دادرا و نگر حویلی اور دمن و دیو ہاکی کو 7-3 سے شکست دی، جبکہ ہاکی جموں و کشمیر نے ہاکی گجرات کو 4-1 سے ہرایا۔ ہاکی اروناچل نے تریپورہ اولمپک ایسوسی ایشن کے خلاف 5-0 سے واک اوور حاصل کیا۔
ڈویژن ’بی‘ میں ہاکی آندھرا پردیش نے کیرالہ ہاکی کو 3-2، ہاکی میزورم نے آسام ہاکی کو 6-2، ہاکی اتراکھنڈ نے گوا ہاکی کو 5-0 اور ہاکی کرناٹک نے ہاکی بہار کو 2-1 سے شکست دی۔