سونی کو افغانستان ٹی ٹوئنٹی سیریز کے نشریاتی حقوق ملے

ممبئی، 13 اگست (یواین آئی) سونی اسپورٹس نیٹ ورک کو ہندستان اور افغانستان کے درمیان ہونے والی تین میچوں کی بین الاقوامی ٹی-20 سیریز کے ٹیلی ویژن پر نشریاتی حقوق حاصل ہو گئے ہیں۔آئی ٹی ڈبلیو یونیورس، جس کے پاس ان میچوں کے گلوبل رائٹس تھے، نے اس خطے کی دیگر کمپنیوں جیسے جیو اسٹار اور زی یونائیٹ 8 کے ساتھ بات چیت کے بعد یہ رائٹس سونی کے سپرد کر دیے ہیں۔
آئی ٹی ڈبلیو یونیورس کے ایک سینئر اہلکار نے یہ معلومات دی ہے۔ میچوں کے ڈیجیٹل رائٹس فین کوڈ کے پاس ہیں۔
افغانستان کرکٹ بورڈ (اے سی بی) ان تین میچوں کا میزبان ہے، جو 13، 15 اور 17 ستمبر کو نئی دہلی کے ارون جیٹلی اسٹیڈیم میں کھیلے جائیں گے۔ ہندتسانی کرکٹ کنٹرول بورڈ (بی سی سی آئی) نے باقاعدہ طور پر اس شیڈول کی منظوری دے دی ہے۔