سری لنکا نے ہندوستان کے خلاف پہلے ٹیسٹ کے لیے ٹیم کا اعلان کردیا

کولمبو، 12 اگست (یواین آئی) سری لنکا نے ہفتہ سے گال میں شروع ہونے والے ہندوستان کے خلاف پہلے ٹیسٹ کے لیے دھننجیا ڈی سلوا کی کپتانی میں 16 رکنی ٹیم کا اعلان کردیا ہے۔
سلیکٹرز نے نیروشن ڈکویلا کو ٹیم میں شامل کیا ہے، جو آخری بار 2023 میں نیوزی لینڈ کے خلاف ٹیسٹ کھیلے تھے۔ بلے باز پاسندو سوریابندارا اور دائیں ہاتھ کے آف اسپنر کیشرا نوانتھا کو بھی شامل کیا گیا ہے۔ دونوں نے ڈومیسٹک کرکٹ میں عمدہ کارکردگی کا مظاہرہ کیا ہے اور ٹیسٹ ڈیبیو کرسکتے ہیں۔ کامندو مینڈس نائب کپتان ہوں گے۔
بائیں ہاتھ کے فاسٹ بولر دلشان مدوشنکا کی بھی ٹیم میں واپسی ہوئی ہے، جنہوں نے 2023 میں پاکستان کے خلاف اپنا واحد ٹیسٹ کھیلا تھا۔ ان کی واپسی سے سری لنکا کے فاسٹ بولنگ اٹیک کو مزید مضبوطی ملے گی۔
ہندوستان کے خلاف پہلے ٹیسٹ کے لیے سری لنکا کی ٹیم: دھننجیا ڈی سلوا، لہرو اودانا، نشان مدوشکا، کامندو مینڈس، دنیش چندیمل، پاسندو سوریابندارا، سونال دینوشا، نیروشن ڈکویلا، رمیش مینڈس، پربھات جے سوریا، کیشرا نوانتھا، ملن رتنائیکے، اسیتھا فرنانڈو، لہرو کمارا، وشوا فرنانڈو اور دلشان مدوشنکا۔