این وی ٹی- سلطان پور سدبھاونا ایکسپریس آن بورڈ ہاؤس کیپنگ سروس اور لینن مینجمنٹ کو نافذ کرنے والی دوسری ٹرین بنی

نئی دہلی، 10 اگست ( یواین آئی ) دارالحکومت کے آنند وہار ٹرمینل اور اتر پردیش کے سلطان پور کے درمیان چلنے والی این وی ٹی-سلطان پور سدبھاونا ایکسپریس (14014/13) آن بورڈ ہاؤس کیپنگ سروس (او بی ایچ ایس) اور لینن مینجمنٹ کے تحت چلنے والی دوسری ٹرین بن گئی ہے۔
اس ٹرین میں یہ انتظام آٹھ اگست کو نافذ ہو گیا۔ قابل ذکر ہے کہ آن بورڈ ہاؤس کیپنگ سروس اور لینن مینجمنٹ ریلوے کی جانب سے اس سال شروع کی گئی پہل 52 ہفتے 52 اصلاحات کا حصہ ہے۔ اس کا مقصد چلتی ٹرین میں مسافروں کو بہتر صفائی کی سہولت فراہم کرنا ہے۔ اس کے تحت تمام کوچز میں بہتر صفائی کا انتظام شامل کرنا ہے، جن میں بغیر ریزرویشن والے کوچ بھی شامل ہیں۔
اس اصلاح کے تحت ریلوے نے مسافروں کے لیے کئی سہولت بخش اقدامات شروع کیے ہیں، جن میں سلیپر کوچ میں لیکویڈ سوپ کی سہولت، ہوائی جہاز کی طرح مسافروں کا استقبال کرنے اور کچرا جمع کرنے کے لیے پورٹیبل ڈیوائس کا استعمال اور جیو ٹیگ اور ٹائم اسٹیمپ والی تصویروں کے ذریعے ثبوت پر مبنی نگرانی والا آن لائن ایپ پر مبنی مینجمنٹ سسٹم شامل ہے۔ ریلوے ٹرین کے اندر صفائی ستھرائی کے لیے پہلی بار ہائی پریشر جیٹ کلیننگ اور ویکیوم کلیننگ مشینوں کا استعمال شامل ہے۔ اس کے تحت سروس مینجمنٹ اور شکایات کے ازالے کے لیے سروس فراہم کرنے والے کے ذریعے ایک وقف کنٹرول روم بنانا لازمی قرار دیا گیا ہے۔ ساتھ ہی طے شدہ اہلیت اور درست لباس والے تربیت یافتہ اور تصدیق شدہ عملے کو تعینات کرنا ہو گا۔
اس کے علاوہ واضح طور پر طے شدہ ذمہ داریاں، جن میں لینن مینجمنٹ، ٹرین کے اندر صفائی، بیت الخلا کی دیکھ بھال، کچرے کو ٹھکانے لگانا ، بنیادی حفاظتی جانچ، چھوٹی موٹی مرمت اور ابتدائی امداد شامل ہیں۔ اس پالیسی کے تحت چلنے والی پہلی ٹرین آنند وہار-ریوا ایکسپریس (ٹرین نمبر 12428) ہے، جس میں یہ انتظام گزشتہ فروری میں شروع ہوا تھا۔