یوجین (امریکہ)، 10 اگست (یو این آئی): عالمی ایتھلیٹکس انڈر-20 چیمپئن شپ کے آخری روز ہندستانی ایتھلیٹ پوجا سنگھ خواتین کی ہائی جمپ کے فائنل میں ساتویں مقام پر رہیں۔ ادھر ہندستان کی خواتین کی 4×400 میٹر ریلے ٹیم نے بھی فائنل میں نواں مقام حاصل کیا۔
آج یہاں منعقدہ عالمی ایتھلیٹکس انڈر-20 چیمپئن شپ کی خواتین کی ہائی جمپ مقابلے میں پوجا سنگھ نے 1.84 میٹر کی بلندی عبور کرکے ساتواں مقام حاصل کیا۔
انہوں نے 1.75 میٹر، 1.80 میٹر اور 1.84 میٹر کی بلندی کامیابی سے عبور کی، لیکن 1.87 میٹر کی بلندی پار کرنے میں ناکام رہیں۔ اس کے ساتھ ہی ہندستان نے اس چیمپئن شپ میں 3 تمغوں کے ساتھ اپنی مہم کا اختتام کیا۔ پوجا سنگھ کا سینئر سطح پر قومی ریکارڈ 1.93 میٹر ہے۔
دوسری جانب ہندستان کی خواتین کی 4×400 میٹر ریلے ٹیم، جس میں بھومیکا نہیٹے، تہورا خاتون، تنو چودھری اور تھیا اروموگم شامل تھیں، نے 3:45.28 کے وقت کے ساتھ فائنل میں نواں مقام حاصل کیا۔
پوجا سنگھ خواتین کی ہائی جمپ کے فائنل میں ساتویں مقام پر رہیں
