لینڈل سیمنز نے انٹرنیشنل کرکٹ سے ریٹائرمنٹ لیا

پورٹ آف اسپین// ویسٹ انڈیز کے بلے باز لینڈل سیمنز نے بین الاقوامی کرکٹ سے ریٹائرمنٹ لے لیا ہے۔ یہ خبر لینڈل سیمنز کی کھیل ایجنسی 124 ناٹ آؤٹ کے ایک انسٹاگرام پوسٹ نے دی ہے۔ پوسٹ میں مزید کہا گیا ہے کہ انہوں نے کرکٹ ویسٹ انڈیز کو فری ایجنٹ بننے کے اپنے فیصلے سے گزشتہ جمعہ کو تحریری طور پر آگاہ کیا تھا، تاکہ وہ فرنچائزی کرکٹ میں کھیل سکیں۔
پیر کی صبح ویسٹ انڈیز کے سابق کپتان دنیش رامدین نے بھی بین الاقوامی کرکٹ سے ریٹائرمنٹ کا اعلان کیا تھا ۔
سیمنز کا کیریئر 16 سال پر محیط تھا اور انہوں نے ویسٹ انڈیز کے لیے آٹھ ٹیسٹ، 68 ون ڈے اور 68 ٹی 20 انٹرنیشنل کھیلے، جس میں انہوں نے 3763 رنز بنائے۔
سمنز نے 2006 میں فیصل آباد میں پاکستان کے خلاف اپنا ون ڈے ڈیبیو کیا تھا لیکن وہ دو گیند میں آؤٹ ہو گئے۔ مجموعی طور پر، انہوں نے ون ڈے میں 31.58 کی اوسط سے 1958 رنز بنائے ہیں، جس میں دو سنچریاں بھی شامل ہیں، جبکہ سمنز کے ٹیسٹ نمبر کچھ خاص نہیں ہیں۔ انہوں نے صرف آٹھ ٹیسٹ کھیلے اور کوئی نصف سنچری نہیں بنائی۔ انہوں نے مختصر فارمیٹ میں اپنا نام بنایا۔ سیمنز نے ویسٹ انڈیز کی 2016 ورلڈ کپ جیتنے میں کلیدی کردار ادا کیا تھا۔ ہندوستان کے خلاف سیمی فائنل میں انہوں نے 51 گیندوں پر 82 رنز کی تیز رفتار اننگز کھیلی۔
ٹی 20 انٹرنیشنل میں، انہوں نے 120.80 کے اسٹرائیک ریٹ سے 1527 رنز بنائے ہیں جس میں نو نصف سنچریاں شامل ہیں۔ وہ آخری بار ویسٹ انڈیز کے لیے 2021 کے ٹی20 ورلڈ کپ میں نظر آئے تھے، جہاں انھوں نے جنوبی افریقہ کے خلاف 35 گیندوں پر 16 رنز بنائے تھے۔وہ کیریبین پریمیئر لیگ میں سب سے زیادہ رنز بنانے والے کھلاڑی ہیں۔ انہوں نے 91 اننگز میں 20 نصف سنچریوں سمیت 2629 رنز بنائے۔ انہوں نے ممبئی انڈینز کے ساتھ رہتے ہوئے 2015 اور 2017 میں آئی پی ایل ٹائٹل جیتا تھا۔