جموں کشمیر میں کووڈ کے ۱۵۲کورونا سے ایک شہری کی موت

سرینگر//
جموں کشمیر میں گزشتہ ۲۴ گھنٹوں کے دوران ۱۵۲ نئے مثبت معاملات سامنے آئے ہیں جن میں ۶۷ کاکشمیر اور۸۵ کا تعلق جموں صوبہ سے ہے۔
ایک سرکاری بیان میں کہا گیا ہے کہ اِس طرح مثبت معاملات کی کل تعداد۴لاکھ۵۷ہزار۱۸۴تک پہنچ گئی ہے‘ جن میں سے۱۱۴۰(صوبہ جموں میں۶۴۵؍اور کشمیر صوبے میں۴۹۵)سر گرم معاملات ہیں۔اَب تک۴لاکھ۵۱ہزار۲۸۵؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع بڈگام میں ایک،ضلع بارہمولہ میں ۵،ضلع پلوامہ میں ۲،ضلع اسلام آباد میں۲؍اورضلع سرینگر میں۵۷نئے معاملے درج کئے گئے ہیں۔کپواڑہ ،گاندربل کولگام، شوپیان اور بانڈی پورہ اضلاع سے مثبت معاملات کی کوئی رِپورٹ نہیں ہے۔
اِسی طرح ضلع ڈوڈہ میں ایک، ضلع پونچھ میں۲،ضلع اودھمپور میں۱۱، ضلع کٹھوعہ میں ۴، ضلع سانبہ میں۳؍اورضلع جموںمیں۶۴ نئے مثبت معاملے سامنے آئے ہیں۔ رِیاسی ،رام بن ،راجوری ، اورکشتواڑ اضلاع سے کسی مثبت معاملے کی کوئی رِپورٹ نہیں آئی ہے۔
بیان میں کہا گیا ہے کہ گزشتہ ۲۴ گھنٹوں کے دوران جموں صوبے میں کورونا سے مزید ایک شخص کی موت ہو ئی ہے ۔بیان کے مطابق اب تک جموں وکشمیر میں کوروناوائرس سے مرنے والوں کی مجموعی تعداد۴۷۵۹تک پہنچ گئی ،جن میں سے۲۴۲۵کا کشمیر اور۲۳۳۴کاتعلق جموں صوبہ سے ہے۔
اِس دوران آج مزید۵۵؍اَفراد شفایاب ہوئے ہیںجن میں۱۷صوبہ کشمیر اور۳۸کا تعلق جموں صوبہ سے ہیں۔