ایجنسیز
سری نگر؍۱۰؍اپریل
شمالی کشمیر کے سوپور علاقے میں ایک افسوسناک واقعہ پیش آیا جہاں آوارہ کتے کے حملے میں۸سالہ بچی جاں بحق ہو گئی، حکام نے بتایا۔
حکام کے مطابق یہ واقعہ سیلو علاقے میں اس وقت پیش آیا جب بچی اپنے خاندانی کھیت میں گئی ہوئی تھی، جہاں اچانک ایک آوارہ کتے نے اس پر حملہ کر دیا۔
حملے میں بچی شدید زخمی ہو گئی۔ متوفیہ کی شناخت ایمن عدنان شیخ(۸) دختر عدنان احمد شیخ، ساکن سیلو سوپور کے طور پر ہوئی ہے۔
حکام نے بتایا کہ بچی کو فوری طور پر علاج کے لیے اسپتال منتقل کیا گیا، تاہم وہ زخموں کی تاب نہ لاتے ہوئے دم توڑ گئی۔
پولیس نے واقعے کی تحقیقات شروع کر دی ہیں۔
