راجستھان رائلز ٹیم کی بہتری کے لیے اپنی پوری کوشش کروں گا: جڈیجہ

جے پور، 16 مارچ (یو این آئی) آل راؤنڈر رویندر جڈیجہ نے پیر کو کہا کہ وہ آئی پی ایل میں راجستھان رائلز ٹیم کو مضبوط اور بہتر بنانے کی پوری کوشش کریں گے۔
جڈیجہ آج یہاں آئندہ آئی پی ایل سے قبل راجستھان رائلز کی نئی جرسی لانچ کرنے کے لیے منعقدہ ایک تقریب سے خطاب کر رہے تھے۔ انہوں نے کہا کہ وہ راجستھان رائلز کے ساتھ واپسی پر بہت خوش اور پرجوش ہیں اور وہ نوجوان کھلاڑیوں کے ساتھ کھیل رہے ہیں۔ ایسے وہ ایک سینئر کھلاڑی کے طور پر یہ بہت دلچسپ ہونے والا ہے۔
انہوں نے کہا کہ انہیں اس بار بہت سے نوجوان اور نئے کھلاڑیوں کو جاننے کا موقع بھی ملے گا۔ انہوں نے کہا کہ 17 سال قبل وہ راجستھان رائلز کے لیے پہلی بار کھیلے تھے اور اب واپس جڑکر انہیں بہے خوشی ہورہی ہے اور ان کے لیے یہ آگے چل کر سیکھنے والا تجربہ ہونے والا ہے۔
انہوں نے کہا کہ ان کے پاس تجربہ ہے اور وہ ٹیم میں ایک سینئر کھلاڑی کے طورپر ٹیم کی بہتری کے لیے اپنی رائے اور تجاویز دینے میں اپنا بہتر کرنے کی کوشش کریں گے اور وہ ٹیم اور کھلاڑیوں کی بہتری کے لیے جو بھی ضروری ہوگا وہ کرنے کو تیار ہیں۔ انہوں نے کہا کہ ایک سینئر کھلاڑی کو ہمیشہ ٹیم کے لیے زیادہ ذمہ داری نبھانی ہوتی ہے اور وہ ٹیم کے لیے جو بھی کردار ادا کرتا ہے وہ بہترین ہوتا ہے اور وہ جو بھی کرتا ہے وہ ہمیشہ بہترین ہوتا ہے۔
اس سے قبل، راجستھان رائلز کی نئی جرسی (نیلے رنگ) لانچ کی گئی اور جے کے لکشمی سیمنٹ 2026 کرکٹ لیگ سیزن میں راجستھان رائلز کا اہم اسپانسر بنا ہے۔ جرسی کے پچھلے حصے پر جے کے لکشمی سیمنٹ کا لوگو نظر آئے گا۔
آئی پی ایل 2026 کے لیے گجرات ٹائٹنز نے مداحوں کی سہولت کے پیشِ نظر ایک بڑا قدم اٹھاتے ہوئے نریندر مودی اسٹیڈیم میں ہونے والے تمام ہوم میچز کے لیے ڈیجیٹل ٹکٹنگ ماڈل متعارف کروا دیا ہے۔ اب شائقین کرکٹ ‘بک مائی شو’ اور ‘ٹائٹنز فیم ایپ’ کے ذریعے براہ راست ٹکٹ خرید سکتے ہیں۔اس نئے نظام کے تحت اب شائقین کو فزیکل (کاغذی) ٹکٹ کی ضرورت نہیں رہے گی۔ محفوظ QR کوڈ پر مبنی ٹکٹ براہ راست مداحوں کے اسمارٹ فون پر بھیجے جائیں گے۔ دنیا کے سب سے بڑے کرکٹ اسٹیڈیم میں لاکھوں کی تعداد میں آنے والے تماشائیوں کے لیے اس ڈیجیٹل نظام سے داخلہ آسان ہوگا اور قطاروں میں لگنے کی پریشانی ختم ہو جائے گی۔
کرنل اروندر سنگھ نے کہا کہ "ہمارا مقصد میچ کے دن کے تجربے کو مزید آسان اور محفوظ بنانا ہے تاکہ مداح بغیر کسی رکاوٹ کے کھیل سے لطف اندوز ہو سکیں۔”