ویمنز ٹی ٹوئنٹی ورلڈ کپ 2026: عالمی میلے کے آغاز میں 100 دن باقی، الٹی گنتی شروع

ایجبسٹن، 4 مارچ ( یو این آئی)آئی سی سی ویمنز ٹی ٹوئنٹی ورلڈ کپ 2026 کے باقاعدہ آغاز میں اب محض 100 دن باقی رہ گئے ہیں۔ اس سنگ میل کی مناسبت سے دنیا بھر کے تاریخی کرکٹ میدانوں میں عالمی مقابلوں کے لیے ‘کاؤنٹ ڈاؤن’ (الٹی گنتی) کا آغاز کر دیا گیا ہے، جس نے شائقینِ کرکٹ کے جوش و خروش کو بلندیوں پر پہنچا دیا ہے۔
ٹورنامنٹ کا پہلا میچ 12 جون 2026 کو برمنگھم کے تاریخی ایجبسٹن کرکٹ گراؤنڈ میں کھیلا جائے گا، جہاں میزبان انگلینڈ کا مقابلہ سری لنکا سے ہوگا۔ 100 دن مکمل ہونے پر ایجبسٹن کی مشہور رزلٹ اسکرین کو خصوصی طور پر الٹی گنتی کے لیے تیار کیا گیا، جس کی تقریب میں انگلش کپتان نیٹ اسکیور برنٹ، صوفیہ ڈنکلے اور لارین فائلر نے شرکت کی۔برطانیہ کے ساتھ ساتھ دنیا کے دیگر بڑے اسٹیڈیمز نے بھی اس مہم میں حصہ لیا۔ٹورنامنٹ ڈائریکٹر کے مطابق، یہ ایونٹ خواتین کرکٹ کی تاریخ کا سب سے بڑا میلہ ثابت ہوگا جہاں دنیا کی بہترین کھلاڑی عالمی ٹائٹل کے لیے پنجہ آزمائی کریں گی۔