ملک میں فضائی سروس کا بحران اجارہ داری پالیسی کا نتیجہ: راہل

xنئی دہلی، 5 دسمبر (یو این آئی) کانگریس کے سابق صدر اور لوک سبھا میں اپوزیشن لیڈر راہل گاندھی نے ملک کے مختلف حصوں سے پروازوں کی منسوخی اور تاخیر کی وجہ سے مسافروں کو درپیش مشکلات اور انڈیگو ایئر لائنز کی ناکامی کو حکومت کی اجارہ داری کی پالیسی کا نتیجہ قرار دیا ہے ۔
انہوں نے کہا کہ اس بحران کی جڑ حکومت کی اجارہ داری کی پالیسی میں ہے اور اسی پالیسی کی وجہ سے انڈیگو کے مسافروں کو پریشانی کا سامنا ہے ۔
مسٹر گاندھی نے جمعہ کو سوشل میڈیا ایکس پر ایک پوسٹ میں کہا، ”انڈیگو کی ناکامی مودی حکومت کے اجارہ داری ماڈل کی قیمت ہے ۔ ایک بار پھر، عام ہندوستانی کو اس کی قیمت ادا کرنی پڑ رہی ہے ، جس کی وجہ سے فضائی خدمات میں تاخیر ہو رہی ہے اور ایک کے بعد ایک پروازیں منسوخ ہو رہی ہیں۔
انہوں نے ہوائی مسافروں کی حالت زار کے لیے حکومت کو ذمہ دار ٹھہراتے ہوئے کہا کہ ہندوستان ہر میدان میں منصفانہ مسابقت کا مستحق ہے ۔ میچ فکسنگ کرنے والی اجارہ داری کی پالیسی درست نہیں ہے ۔
غور طلب ہے کہ انڈیگو کی پروازیں پائلٹوں کو زیادہ آرام دینے جیسے نئے ضوابط کی وجہ سے متاثر ہوئی ہیں اور کئی پروازوں کو منسوخ کرنا پڑا ہے ۔