نئی دہلی، 05 دسمبر (یو این آئی) لوک سبھا میں جمعہ کو ٹائپ ون ذیابیطس کے مریضوں کے لیے بہتر صحت کی سہولیات فراہم کرنے اور ان کے گھر پر کیے جانے والے علاج کو آیوشمان یوجنا کے تحت لانے کا مطالبہ کیا گیا۔
تیلگو دیشم کے شری بھارت مُتکُمِیلی نے وقفۂ صفر کے دوران یہ معاملہ اٹھایا اور کہا کہ اس بیماری کی زد میں زیادہ تر بچے آتے ہیں اور انہیں انسولین کی ضرورت پڑتی ہے ، جس کا خرچ کئی متاثرہ کنبے اٹھانے سے قاصر رہتے ہیں۔ انہوں نے کہا کہ اگر حکومت ایسے مریضوں کے لیے الگ سے انتظام کرے تو ٹائپ ون ذیابیطس کے متاثرین کے ساتھ ساتھ ان کے اہل خانہ کو بھی بڑی راحت ملے گی۔ انہوں نے کہا کہ آیوشمان یوجنا کے اہل مریض صرف ہسپتال میں داخل ہونے پر ہی علاج میں اس کا فائدہ اٹھا پاتے ہیں۔ حکومت کو ایسا انتظام کرنا چاہیے کہ یہ مریض اس اسکیم کا فائدہ روزمرہ کے علاج میں بھی اٹھا سکیں۔ راجستھان حکومت نے ایسے مریضوں کے لیے الگ سے فنڈز مختص کیے ہیں۔ انہوں نے حکومت سے مطالبہ کیا کہ ایسا ہی انتظام دیگر ریاستوں اور مرکزی حکومت کو بھی کرنا چاہیے ۔
بھارتیہ جنتا پارٹی کے بَنٹی وویک ساہو نے کھانسی کے مہلک سیرپ کے استعمال سے متعدد بچوں کی موت ہو جانے کا معاملہ اٹھاتے ہوئے کہا کہ آلودہ دوا بنانے والوں کے خلاف سخت کارروائی کی جانی چاہیے ۔ کولڈریف کھانسی کے سیرپ میں ڈائی ایتھیلین گلائکول کی مقدار مقررہ حد سے زیادہ ہونے کی وجہ سے یہ مہلک ثابت ہوا اور اسے استعمال کرنے والے متعدد بچوں کی جانیں چلی گئیں۔ انہوں نے کہا کہ اس کم معیار کے سیرپ کو بغیر ٹیسٹ کے ہی بازار میں پہنچا دیا گیا، اس معاملے کی تفصیلی جانچ کر کے قصورواروں کو سزا دی جانی چاہیے ۔ انہوں نے دوا انضباطی نظام کو مضبوط کرنے کے ساتھ ہی، ادویات کی جانچ کے لیے ایک مربوط نگرانی کا نظام تیار کرنے کا بھی مطالبہ کیا۔
تیلگو دیشم کے شری بھارت مُتکُمِیلی نے وقفۂ صفر کے دوران یہ معاملہ اٹھایا اور کہا کہ اس بیماری کی زد میں زیادہ تر بچے آتے ہیں اور انہیں انسولین کی ضرورت پڑتی ہے ، جس کا خرچ کئی متاثرہ کنبے اٹھانے سے قاصر رہتے ہیں۔ انہوں نے کہا کہ اگر حکومت ایسے مریضوں کے لیے الگ سے انتظام کرے تو ٹائپ ون ذیابیطس کے متاثرین کے ساتھ ساتھ ان کے اہل خانہ کو بھی بڑی راحت ملے گی۔ انہوں نے کہا کہ آیوشمان یوجنا کے اہل مریض صرف ہسپتال میں داخل ہونے پر ہی علاج میں اس کا فائدہ اٹھا پاتے ہیں۔ حکومت کو ایسا انتظام کرنا چاہیے کہ یہ مریض اس اسکیم کا فائدہ روزمرہ کے علاج میں بھی اٹھا سکیں۔ راجستھان حکومت نے ایسے مریضوں کے لیے الگ سے فنڈز مختص کیے ہیں۔ انہوں نے حکومت سے مطالبہ کیا کہ ایسا ہی انتظام دیگر ریاستوں اور مرکزی حکومت کو بھی کرنا چاہیے ۔
بھارتیہ جنتا پارٹی کے بَنٹی وویک ساہو نے کھانسی کے مہلک سیرپ کے استعمال سے متعدد بچوں کی موت ہو جانے کا معاملہ اٹھاتے ہوئے کہا کہ آلودہ دوا بنانے والوں کے خلاف سخت کارروائی کی جانی چاہیے ۔ کولڈریف کھانسی کے سیرپ میں ڈائی ایتھیلین گلائکول کی مقدار مقررہ حد سے زیادہ ہونے کی وجہ سے یہ مہلک ثابت ہوا اور اسے استعمال کرنے والے متعدد بچوں کی جانیں چلی گئیں۔ انہوں نے کہا کہ اس کم معیار کے سیرپ کو بغیر ٹیسٹ کے ہی بازار میں پہنچا دیا گیا، اس معاملے کی تفصیلی جانچ کر کے قصورواروں کو سزا دی جانی چاہیے ۔ انہوں نے دوا انضباطی نظام کو مضبوط کرنے کے ساتھ ہی، ادویات کی جانچ کے لیے ایک مربوط نگرانی کا نظام تیار کرنے کا بھی مطالبہ کیا۔
