ریاض (سعودی عرب)، 26 نومبر (یواین آئی ) ہندوستانی باسکٹ بال ٹیم جمعرات سے آغاز ہونے والے فیبا ورلڈ کپ 2027 کوالیفائر میں اپنے پہلے مرحلے کے تحت سعودی عرب کے خلاف دو میچوں میں میدان میں اترے گی۔پہلا مقابلہ ریاض میں کھیلا جائے گا جبکہ دوسرا میچ اتوار کو چنئی کے جواہر لال نہرو انڈور اسٹیڈیم میں ہوگا۔ یہ ابتدائی مرحلہ آئی بی اے ورلڈ کپ 2027 کے لیے 32 میں سے 31 ٹیموں کے انتخاب کا فیصلہ کرے گا۔ میزبانی ملک قطر پہلے ہی ورلڈ کپ کے لیے کوالیفائی کر چکا ہے۔
دنیا بھر سے 80 ٹیمیں کوالیفائنگ راؤنڈ کا حصہ ہیں، جن میں سے ہندوستان فیبا ایشیا و اوشیانیا کوالیفائر کی 16 ٹیموں میں شامل ہے۔ ہندوستان کو گروپ ڈی میں لبنان، سعودی عرب اور قطر کے ساتھ رکھا گیا ہے۔
گروپوں کی تقسیم
گروپ A: آسٹریلیا، نیوزی لینڈ، فلپائن، گوام
گروپ B: جاپان، چین، جنوبی کوریا، چائنیز تائپے
گروپ C: ایران، اردن، شام، عراق
گروپ D: لبنان، سعودی عرب، قطر، ہندوستان
عالمی درجہ بندی میں لبنان (30) گروپ کی سب سے مضبوط ٹیم ہے۔ سعودی عرب 64ویں، قطر 83ویں اور ہندوستان 76ویں نمبر پر ہے۔
تمام ٹیمیں ہوم اینڈ اوے فارمیٹ میں ایک دوسرے سے دو مرتبہ مقابلہ کریں گی۔ ہر گروپ سے سرفہرست تین ٹیمیں دوسرے راؤنڈ میں جگہ بنائیں گی۔
دوسرے راؤنڈ میں 12 ٹیموں کو دو چھ-چھ رکنی گروپوں میں تقسیم کیا جائے گا۔پہلے راؤنڈ میں حاصل نتائج بھی ساتھ منتقل ہوں گے۔دوسرے مرحلے میں ٹیمیں اُن تین ٹیموں کے خلاف میچ کھیلیں گی جن سے وہ پہلے نہیں ٹکرائی ہوں گی۔ہر گروپ کی سرفہرست تین ٹیمیں اور چوتھے نمبر کی بہترین ٹیم میزبان قطر کے ساتھ فیبا ورلڈ کپ 2027 کے لیے کوالیفائی کریں گی۔
ہندوستانی ٹیم کی 12 رکنی فہرست :سہایج پرتاپ سنگھ سیکھوں، ہرش ڈاگر، موئن بیک حفیظ، کنور گرباج سنگھ سندھو، اروند کمار متھو کرشنن، ساحل، پلپریت سنگھ برار، پرتیانشو تومر، پرنَو پرنس، امجوت سنگھ گل، پیوش مینا اور لوکیندر سنگھ۔
