روہت نے آسٹریلیا کے خلاف اپنی نویں سنچری مکمل کی

روہت نے آسٹریلیا کے خلاف اپنی نویں  سنچری مکمل کی
سڈنی، 25 اکتوبر (یو این آئی) – ہندوستانی ٹیم کے سلامی بلے باز روہت شرما نے تمام ناقدین کو خاموش کرتے ہوئے ہفتہ کے روز آسٹریلیا کے خلاف اپنی نویں سنچری مکمل کی  یہ ان کی ایک روزہ بین الاقوامی کیریئر کی 33ویں سنچری ہے آج یہاں آسٹریلیا کے خلاف تیسرے ایک روزہ میچ میں روہت شرما نے 21ویں اوور کی چوتھی گیند پر ایک رن لے کر نصف سنچری مکمل کی یہ اس سیریز میں ان کی لگاتار دوسری نصف سنچری تھی۔ اس سے قبل ایڈیلیڈ میں بھی انہوں نے 73 رنز کی اننگز کھیلی تھی۔ اس کے بعد انہوں نے آسٹریلیائی گیندبازوں کا سامنا کرتے ہوئے اپنے بین الاقوامی کرکٹ کیریئر کی 50 ویں سنچری مکمل کی۔ روہت نے ٹیسٹ کرکٹ میں 12، ایک روزہ میں 33 اور ٹی-20 میں پانچ سنچریاں بنائی ہیں۔ وہ کرکٹ کے تینوں فارمیٹس میں یہ کارنامہ انجام دینے والے واحد بلے باز ہیں۔
انہوں نے 105 گیندوں پر 11 چوکے اور دو چھکے لگا کر 100 رنز اسکور کیے۔ انہوں نے ایڈم زمپا کی گیند پر ایک رن لے کر اپنے ایک روزہ کیریئر کی 33ویں سنچری مکمل کی۔