کائل جیمیسن انگلینڈ کے خلاف ایک روزہ سیریز سے باہر

لندن، 25 اکتوبر (یو این آئی) — نیوزی لینڈ کے تیزگیندباز کائل جیمیسن بائیں جانب کھچاؤ کے سبب اتوار سے شروع ہونے والی تین میچوں کی ایک روزہ سیریز سے باہر ہو گئے ہیں۔
نیوزی لینڈ کے ہیڈ کوچ راب والٹر نے کہا، "کائل کو آج (ہفتہ) گیند بازی کے بعد اپنی بائیں جانب کھچاؤ محسوس ہوا اور ہم اس موسم گرما کے اس مرحلے پر کوئی خطرہ مول نہیں لینا چاہتے تھے۔ ہمیں لگا کہ اس کے لیے اس ایک روزہ سیریز سے باہر رہنا اور خود کو ویسٹ انڈیز ٹور کے لیے تیار کرنا سب سے بہترین موقع ہوگا، جو پانچ نومبر کو اوکلینڈ میں شروع ہو رہا ہے۔”
والٹر نے کہا کہ جلد ہی جیمیسن کی جگہ کسی دوسرے کھلاڑی کا اعلان کیا جائے گا۔
جیمیسن کو ہفتہ کے روز پریکٹس کے دوران کھچاؤ محسوس ہوا۔ فاسٹ بولر جیمیسن مزید چیک اپ کے لیے کرائسٹ چرچ واپس جائیں گے، تاکہ نومبر میں ویسٹ انڈیز کے خلاف ہوم سیریز میں واپسی کر سکیں۔
جیمیسن نے 18 اور 20 اکتوبر کو انگلینڈ کے خلاف پہلے دو ٹی20 میچ کھیلے تھے، لیکن 23 اکتوبر کو آخری میچ نہیں کھیل سکے تھے۔