بنگلہ دیش نے ویسٹ انڈیز کو شکست دے کر سیریز 2-1 سے جیت لی

ڈھاکہ،24 اکتوبر (یو این آئی ) سیف حسن (80) اور سومیا سرکار (91) کی شاندار اننگز کی بدولت بنگلہ دیش نے جمعرات کو ویسٹ انڈیز کو 179 رنز سے شکست دے کر تین میچوں کی سیریز 2-1 سے جیت لی۔ بنگلہ دیش نے 50 اوورز میں 8 وکٹوں پر 298 رنز بنائے اور ویسٹ انڈیز کو 30 اوورز میں صرف 117 رنز پر آؤٹ کر کے بڑی فتح حاصل کی۔ بنگلہ دیش کی جانب سے نسیم احمد اور رشاد حسین نے تین تین وکٹیں حاصل کیں۔ سومیا سرکار کو پلیئر آف دی میچ اور رشاد حسین کو 12 وکٹیں لینے پر سیریز کا بہترین کھلاڑی قرار دیا گیا۔