متحدہ عرب امارات کےفیلڈہسپتال نےافغانستان کے زلزلے سےمتاثرہ علاقوں میں کام شروع کردیا

کابل//
افغانستان کے زلزلے سے متاثرہ علاقوں میں متحدہ عرب امارات کی جانب سے قائم کیے گئے فیلڈ ہسپتال نے خصوصی طبی عملے، آلات اور سامان سے لیس ہونے کے بعد کام شروع کر دیا ہے۔
متحدہ عرب امارات کے صدر عزت مآب شیخ محمد بن زاید آل نھیان نے زلزلے سے متاثرہ افراد کے لیے فوری امداد فراہم کرنے کی ہدایات جاری کی تھیں۔
ہسپتال میں 75 بستر، 20 آکسیجن سلنڈر اور 1000مربع میٹر کے رقبے پر دو آپریٹنگ کمرے شامل ہیں اور یہ ان زخمیوں کوفوری طبی امداد فراہم کرے گا جنہیں فوری طبی امداد کی ضرورت ہے۔
افغانستان میں متحدہ عرب امارات کے سفیر عیسیٰ سالم الدظہری نے کہاکہ فیلڈ ہسپتال کا قیام متحدہ عرب امارات کی طرف سے قدرتی آفات اور چیلنجوں کا مقابلہ کرنے کی کوششوں کا حصہ ہے۔
انہوں نے کہا کہ ان کوششوں کا مقصد ان لوگوں کو فوری طبی امداد اور زندگی بچانے والا علاج اور ادویات فراہم کرنا ہے جو زلزلے سے سب سے زیادہ متاثر ہوئے اور وہاں تک رسائی مشکل ہے۔
متحدہ عرب امارات نے زلزلہ متاثرین کے لیے فوری امداد کو متنوع کیا ہے جس میں خوراک اور طبی امداد شامل ہے۔
متحدہ عرب امارات افغانستان کے مختلف علاقوں میں آنے والے زلزلے کے اثرات سے نمٹنے کے لیے بین الاقوامی کوششوں میں بھی بڑھ چڑھ کر حصہ لے رہا ہے۔