افغانستان کی انڈر 19 کرکٹ ٹیم بھارت کا دورہ کرے گی

نئی دہلی، 21 اکتوبر (یواین آئی ) افغانستان کے پاکستان کے خلاف سہ فریقی سیریز سے دستبرداری کے اعلان کے چند دن بعد، افغانستان کرکٹ بورڈ (اے سی بی) نے آج اعلان کیا کہ اس کی انڈر 19 کرکٹ ٹیم نومبر میں ہندوستان کی انڈر 19 اے اور بی ٹیموں کے خلاف ایک روزہ بین الاقوامی (او ڈی آئی) سہ فریقی سیریز کھیلنے کے لیے ہندوستان کا دورہ کرے گی۔
17 سے 30 نومبر تک جاری رہنے والی یہ سیریز چار میچوں پر مشتمل ہوگی، جس میں ہندوستان کی اے اور بی ٹیموں کے خلاف دو دو میچ شامل ہیں۔ پہلا میچ 19 نومبر کو ہندوستان کی انڈر 19 بی کے خلاف اور دوسرا 21 نومبر کو ہندوستان کی انڈر 19 اے کے خلاف کھیلا جائے گا۔ اس کے بعد دونوں ٹیمیں 25 نومبر کو ہندوستان کی انڈر 19 بی سے اور 27 نومبر کو ان کا آخری میچ ہندوستان کی انڈر 19 اے سے آمنے سامنے ہوں گی۔ سیریز کا آخری میچ 30 نومبر کو کھیلا جائے گا۔