قطر نے فیفا ورلڈ کپ 2026 کے لیے کوالیفائی کرلیا

جاسم بن حمد اسٹیڈیم میں قطر نے ہمسایہ ملک یو اے ای کو شکست دے کر فیفا ورلڈ کپ 2026 کے لیے کوالیفائی کیا ہے۔
قطر نے یو اے ای کو 2 کے مقابلے میں ایک گول سے شکست دی، فتح کے ساتھ ہی قطر نے پہلی بار میرٹ پر ورلڈ کے لیے کوالیفائی کیا ہے۔گزشتہ ہفتے گروپ اے میں عمان کو 2-1 سے شکست دینے کے بعد متحدہ عرب امارات قطر کے خلاف ڈرا کے ساتھ کوالیفائی کر سکتا تھا، جس نے گزشتہ ہفتے عمان کے ساتھ 0-0 سے ڈرا کھیلا تھا۔
پہلے ہاف کے بغیر گول کے ختم ہونے کے بعد، 2022 کے ورلڈ کپ کے میزبان نے وقفے کے فوراً بعد برتری حاصل کر لی جب اکرم عفیف کی فری کک پر گول کر دیا، اس کے بعدایک اور گول کرکے اسکور 2-0 کر دیا۔
89ویں منٹ میں طارق سلمان کو ریڈ کارڈ دکھائے جانے کے بعد قطر کی ٹیم کا مجموعی اسکور دس ہو گیا۔ اس کے بعد یو اے ای نے اضافی وقت میں ایک گول کرتے ہوئے واپسی کیا لیکن قطر نے اپنے اعصاب کو قابو میں رکھا اور اپنے دوسری بار ورلڈ کپ فائنل میں پہنچ گیا۔
گزشتہ روز کیپ وردے نے افریقی کوالیفائرگروپ ڈی کے فیصلہ کن میچ میں اسواتینی کو0-3 سے شکست دی، میچ کی کامیابی کے ساتھ کیپ وردے نے گروپ میں پہلی پوزیشن حاصل کی اورورلڈ کپ کیلئے براہِ راست رسائی حاصل کی تھی۔ ورلڈ کپ 2026 امریکا، میکسیکواورکناڈا میں کھیلا جائے گا جس میں ریکارڈ 48 ٹیمیں شریک ہوںگی، میچ میں ڈائلون لیورامینٹونے 48 ویں منٹ میں گول کیا۔ ویلی سیمیڈونے 54ویں منٹ میں اسکوردگنا کیا جبکہ اسٹوپیرا نے انجری ٹائم میں تیسرا گول داغ کرکامیابی یقینی بنائی، فتح کے بعد کھلاڑیوں اورشائقین نے میدان میں جشن منایا۔
اعداد وشمارکے مطابق کیپ وردے آبادی کے لحاظ سے ورلڈ کپ میں کھیلنے والا دوسرا سب سے چھوٹا ملک ہوگا، اس سے قبل 2018 میں آئس لینڈ نے یہ اعزازحاصل کیا تھا۔