نیپالی ٹیم میں ویسٹ انڈیز کے خلاف ٹی ٹوئنٹی سیریز کے لیے محمد عادل عالم شامل

کھٹمنڈو، 22 ستمبر (یو این آئی ) نیپال نے آل راؤنڈر محمد عادل عالم اور مڈل آرڈر بلے باز سندیپ جورا کو اس ماہ کے آخر میں متحدہ عرب امارات میں ویسٹ انڈیز کے خلاف تاریخی تین میچوں کی T20I سیریز کے لیے اپنی ٹیم میں شامل کیا ہے۔ یہ نیپال کی کسی کل وقتی رکن کے خلاف پہلی دو طرفہ سیریز ہوگی۔
عالم آخری بار نیپال کے لیے اگست 2022 میں اور جورا نے جون 2024 میں کھیلا تھا۔ روہت پاؤڈیل ٹیم کی قیادت کریں گے، جس کے نائب کپتان دیپیندر سنگھ ایری ہوں گے۔ بولنگ اٹیک لیگ اسپنر سندیپ لامیچھانے پر مرکوز ہوگا۔ بائیں ہاتھ کے اسپنر للت راجبونگشی، جو گزشتہ ماہ آسٹریلیا میں ٹاپ اینڈ ٹی ٹوئنٹی سیریز سے محروم رہے تھے کی بھی ٹیم میں واپسی ہوئی ہے۔
اپریل 2024 میں، ویسٹ انڈیز A نے پانچ میچوں کی T20 سیریز کے لیے نیپال کا دورہ کیا، جو اس نے 3-2 سے جیتا۔ آئندہ سیریز کے لیے ویسٹ انڈیز نے اپنی ٹیم میں پانچ نئے کھلاڑی شامل کیے ہیں اور ٹیم کی قیادت عقیل حسین کریں گے۔ سیریز کا آغاز 27 ستمبر سے ہوگا جس کے تینوں میچ شارجہ میں کھیلے جائیں گے۔ اس کے بعد، نیپال 2026 کے T20 ورلڈ کپ کے لیے ایشیا اور ایسٹ ایشیا پیسیفک کوالیفائرز کے لیے عمان کا سفر کرے گا۔
ویسٹ انڈیز کی ٹی ٹوئنٹی سیریز کے لیے نیپال کا اسکواڈ کچھ یوں ہے: روہت پاوڈیل (کپتان)، دیپیندر سنگھ ایری (نائب کپتان)، آصف شیخ (وکٹ کیپر)، سندیپ لامچھانے، کشل بھرٹیل، لوکیش بام، کشل ملا، محمد عادل عالم، عارف شیخ، سندیپ جورا،۔کرن کے سی، نندن یادو،گلشن جھا،للت راج ونشی،سوم پال کامی اورشہاب عالم