ورلڈ کپ سے پہلے ہندوستانی خواتین کرکٹ ٹیم کے لیے اکشے کمار کی حمایت

ممبئی، 20 ستمبر (یواین آئی) آئی سی سی ویمنز کرکٹ ورلڈ کپ 2025 کے لیے جوش بڑھنے کے ساتھ ہی بالی ووڈ سپر اسٹار اکشے کمار نے ہندوستانی خواتین ٹیم کی حمایت میں آواز بلند کی ہے۔
اکشے نے جیو اسٹار کے ساتھ ایک ویڈیو میں شائقین سے اپیل کی کہ وہ خواتین کرکٹ کے لیے بھی وہی جوش اور حمایت دکھائیں جو وہ مردوں کی ٹیم کے لیے کرتے ہیں۔
انہوں نے کہا،”مجھے آج بھی 2017 ورلڈ کپ فائنل یاد ہے۔ میں اسکاٹ لینڈ سے ٹرین پکڑ کر فائنل دیکھنے گیا تھا۔ وہیں میں نے ہماری خواتین کرکٹ ٹیم کا جنون دیکھا۔ تب مجھے احساس ہوا کہ کرکٹ میں کوئی جینڈر نہیں ہوتا، صرف ایک جرسی، ایک جذبہ اور ایک ٹیم ہوتی ہے—ٹیم انڈیا۔”
اکشے نے مزید کہا کہ اصل پرستار وہ ہوتا ہے جو ہر کھلاڑی کے ساتھ کھڑا ہو، چاہے وہ مرد ہو یا عورت۔
ویڈیو میں اکشے ہندوستانی نائب کپتان اسمرتی مندھانا کی 18 نمبر والی جرسی تھامے نظر آ رہے ہیں، اس بات پر زور دیتے ہوئے کہ ’’جرسی وہی، جذبہ وہی‘‘—چاہے کھلاڑی وارٹ کوہلی ہوں یا اسمرتی مندھانا۔