مرکزی وزیر خزانہ نرملا سیتا رمن کا 8 اکتوبر کو ایودھیا کا دورہ

ایودھیا، 13 ستمبر (یو این آئی) مرکزی وزیر خزانہ نرملا سیتا رمن 8 اکتوبر کو ایودھیا کے دورے پر جا رہی ہیں، وہ وہاں ٹیڑھی بازار چوراہے پر واقع ‘برہسپتی کنڈ’ پر تعمیر کیے گئے جنوبی ہند کی عظیم شخصیات کے مجسموں کا افتتاح کریں گی۔ اس موقع پر اترپردیش کے وزیر اعلیٰ یوگی آدتیہ ناتھ بھی موجود ہوں گے ۔
رام پتھ پر تعمیر شدہ ‘برہسپتی کنڈ’ کو ایودھیا آنے والے عقیدت مندوں کے لیے فروغ دیا جا رہا ہے ، یہاں سے پولیس سکیورٹی کے بھی انتظامات سخت ہو جاتے ہیں۔ ‘برہسپتی کنڈ’ سے کچھ ہی فاصلے پر رام مندر کا احاطہ شروع ہو جاتا ہے اور رام مندر کا وی آئی پی دروازہ کراسنگ 11 پر واقع ہے ۔ جنوبی ہند کی عظیم شخصیات کے مجسموں سے ‘برہسپتی کنڈ’ کی تزئین کاری کی گئی ہے ۔ جنوبی ہندوستان سے آنے والے عقیدت مندوں کے لیے یہ مقام توجہ کا مرکز ہے ۔
افتتاح کے موقع پر ایک شاندار پروگرام منعقد کیا جائے گا، جس میں مقامی افراد اور باہر سے آنے والے مہمانوں کو ایودھیا کی ثقافت کی جھلک دکھائی جائے گی۔
ضلع مجسٹریٹ نکھل ٹی پھنڈے نے مقامی لوگوں سے اپیل کی ہے کہ وہ ایودھیا کو پرفٖضا اور خوبصورت بنانے میں تعاون کریں۔