کرکٹ آسٹریلیا کی 2025-26 سیزن کیلئے نئی کٹس

سڈنی ،10ستمبر(یو این آئی )کرکٹ آسٹریلیا نے اپنے نئے سمر سیزن (2025-26) کے لیے نئی کٹ متعارف کرادی ہیں۔ اس سیزن کی کٹس کی سب سے نمایاں خصوصیت انڈیجینس آرٹ ورک لینڈ اینڈ سی ہے، جو مشہور کرائی وھرونگ آرٹسٹ آنٹی فیونا کلارک نے تخلیق کیا ہے۔ اس بارے میں کٹ کا ڈیزائن تخلیق کرنے والی فیونا کلارک نے کہا کہ میرے لیے یہ اعزاز کی بات ہے کہ میں نے کھلاڑیوں کی کٹس کے لیے یہ آرٹ ورک تخلیق کیا ہے۔ خیال رہے کہ مردوں اور خواتین دونوں کی ٹیسٹ، ون ڈے اور ٹی ٹوئنٹی کٹس پر یہ آرٹ ورک شامل کیا گیا ہے۔ ون ڈے کٹ آسٹریلیا کے روایتی سنہری رنگ میں ہے جبکہ ٹی ٹوئنٹی کٹ سبز اور سنہری امتزاج کے ساتھ تیار کی گئی ہے۔ ٹیسٹ کٹ سفید یونیفارم میں کالر اور بازوؤں پر سبز کی بجائے پیلا پائپنگ شامل ہے جبکہ مین اسپانسر لوگو کی جگہ ویسٹ پیک نے لے لی ہے۔
سینے پر نمایاں سرخ رنگ کا ’ڈبلیو‘ بھی نیا اضافہ ہے جو ویسٹ پیک کے ساتھ چار سالہ اسپانسر شپ ڈیل کی عکاسی کرتا ہے۔