زخمی وِیڈلر آسٹریلیا اے کے انڈیا ٹور سے باہر ہو گئے

سڈنی 8 ستمبر (یو این آئی ) کوئینز لینڈ کے فاسٹ بالر کیلم ویڈلر کمر کی انجری کے باعث ہندوستان کے محدود اوورز کے دورے پر جانے والی آسٹریلیا اے ٹیم سے باہر ہو گئے ہیں۔
کوئنز لینڈ کے 19 سالہ کھلاڑی کیلم وِڈلر نے ٹی ٹوئنٹی میکس مقابلے میں کھیلنے کے بعد درد کی شکایت کی تھی اور اسکین سے اسٹریس فریکچر کا انکشاف ہوا تھا۔ انہیں اس ماہ کے آخر میں آسٹریلیا اے کے محدود اوورز کے ہندوستان کے دورے پر جانا تھا اور وہ کوئنز لینڈ میں T20 میکس میں کھیل کر اپنی کلب ٹیم ویلی کے لیے تیاری کر رہے تھے۔
کوئنز لینڈ کے ہائی پرفارمنس جنرل منیجر جو ڈیوس نے تصدیق کی ہے کہ وِیڈلر کو اب بحالی کے عمل سے گزرنا پڑے گا، تاہم ان کی واپسی کے لیے کوئی وقت مقرر نہیں ہے۔