ایلون مسک دنیا کے پہلے کھرب پتی شخص بن سکتے ہیں

الیکٹرک گاڑیاں بنانے والی دنیا کی معروف کمپنی ٹیسلا نے اپنے سی ای او ایلون مسک کو بے مثال اور تاریخ کا سب سے بڑا سیلری پیکج تجویز کیا ہے ۔
غیر ملکی خبر رساں ادارے کی رپورٹ کے مطابق ٹیسلابورڈ نے ایلون مسک کے لیے کھربوں ڈالر کا معاوضہ پیکج تجویز کردیا۔
معاوضہ پیکج۱۰سال کے دوران کارکردگی اہداف سے مشروط ہوگا، اگر ایلون مسک نے اہداف پورے کیے تو وہ دنیا کے پہلے کھرب پتی شخص بن سکتے ہیں۔ غیر ملکی خبرایجنسی رپورٹ کے مطابق پہلاہدف ٹیسلا کی مالیت کو۲کھرب ڈالر تک لے جانا ہے ، ۱۰سالہ منصوبے کے اختتام تک ٹیسلا کی مالیت۶ء۸کھرب ڈالر مقرر کی گئی ہے
شیئرز ہولڈرز بورڈ کی طرف سے دی گئی تجاویز منظور ہونے کی صورت میں سی ای او کو ایک کھرب ڈالر (۷۴۰)ارب پاؤنڈ) سے بھی زیادہ کا پیکج مل سکتا ہے ۔ ایلون مسک کی تنخواہ یابونس نہیں ہوگا، معاوضہ صرف ٹیسلا شیئرز کی صورت میں ملے گا۔
اس منصوبے کا مقصد مسک کو کمپنی کے مستقبل کے بڑے اور انقلابی اہداف کے لیے پرعزم رکھنا ہے ۔ ٹیسلا شیئر ہولڈرز۶نومبر کو پیکج پر ووٹ دیں گے ۔
اس نئی مجوزہ اسکیم کے تحت اگر کمپنی اگلے۱۰ برسوں میں اپنی مارکیٹ ویلیو کو موجودہ تقریباً ۱ء۱کھرب ڈالر سے بڑھا کر۶ء۸کھرب ڈالر تک لے جانے میں کامیاب ہوجاتی ہے ، تو مسک کو ٹیسلا کے کل شیئرز کا۱۲فیصد مل سکتا ہے ، جس کی موجودہ مالیت تقریباً ۰۳ء۱کھرب ڈالر بنتی ہے ۔
ٹیسلا کو۲۰۳۵تک مجموعی طور پر۲کروڑ گاڑیاں فراہم کرنا ہوں گی، منصوبے میں ایک ملین خود کار روبو ٹیکسیاں متعارف کرانے کا بھی ہدف شامل ہے جبکہ ایلون مسک کو ایک ملین اے آئی بوٹس فراہم کرنے کا ہدف بھی دیا گیا ہے ۔
مسک کو کم ازکم ساڑھے۷سال کمپنی کے ساتھ رہنا لازمی ہوگا، پورا معاوضہ صرف۲۰۳۵تک مسک کے قیام کی صورت میں مل سکے گا۔ ایلون مسک کے پاس اس وقت ٹیسلاکے۱۳فیصدشیئرزہیں، پیکج سے مسک کومزید۱۲فیصدشیئرزمل سکتے ہیں، طاقت میں اضافہ ہوگا، سیلز میں کمی اور حریف چینی کمپنی بی وائی ڈی کے ابھار سے ٹیسلا شیئرز میں۲۵فیصد کمی آئی۔
یورپ میں ٹیسلا کی فروخت۴۰فیصد گری ہے جبکہ چین کی بی وائی ڈی کی سیلزمیں اضافہ ہوا ۔ٹیسلاکے سہ ماہی منافع میں بڑی کمی۳۹ء۱؍ارب ڈالرسے۴۰۹ملین ڈالر رہ گیا۔