بھادرا سرکاری کالج کو آئندہ تعلیمی سیشن میں اپ گریڈ کیا جائے گا: پریم چند بیروہ

جے پور، 03 ستمبر (یو این آئی) راجستھان کے اعلیٰ تعلیم کے وزیر ڈاکٹر پریم چند بیروہ نے بدھ کے روز اسمبلی میں یقین دہانی کرائی کہ ضلع ہنومان گڑھ کے بھادرا سرکاری کالج کو آئندہ تعلیمی سیشن میں ترجیحی بنیاد پر پوسٹ گریجویٹ (ایم اے /ایم ایس سی) کالج میں اپ گریڈ کیا جائے گا۔
انہوں نے کہا کہ سرکاری کالجوں کا اپ گریڈیشن طلباء کی تعداد اور ضرورت کو مدنظر رکھتے ہوئے کیا جاتا ہے ۔ انہوں نے اس بات کا اعادہ کیا کہ آئندہ سیشن میں بھادرا کالج کو ترجیحی بنیاد پر پوسٹ گریجویٹ کالج بنایا جائے گا۔
ڈاکٹر بیروہ یہ بات اسمبلی کے سوال و جواب کے دوران رکن اسمبلی سنجیو کمار کے ضمنی سوالات کے جواب میں کہہ رہے تھے ۔
اس سے قبل، مسٹر کمار کے اصل سوال کے تحریری جواب میں، ڈاکٹر بیروہ نے بتایا تھا کہ بھادرا سرکاری کالج کو گریجویشن سے پوسٹ گریجویشن میں اپ گریڈ کرنے کی تجویز فی الحال محکمہ جاتی سطح پر زیر غور نہیں ہے ۔
انہوں نے کہا کہ اپ گریڈ کرنے کے کوئی طے شدہ معیارات نہیں ہیں اور یہ طلباء کی تعداد کی بنیاد پر کیا جاتا ہے ۔