انمول جین، سوربھ چودھری اور آدتیہ مالرا نے ایشین شوٹنگ چیمپئن شپ 2025 میں مردوں کی 10 میٹر ایئر پسٹل ٹیم مقابلے میں چاندی کا تمغہ حاصل کیا۔
شمکندشوٹنگ پلازا میں مقابلہ کرتے ہوئے ہندوستانی کھلاڑیوں نے 1735-52 پوائنٹس اسکور کیے۔ چین کے کھلاڑی ہو کائی، چانگجی یو اور ییفان ژانگ نے 1744-51 پوائنٹس کے ساتھ طلائی (سونے کا) تمغہ جیتا، جبکہ ایران نے 1733-62 پوائنٹس کے ساتھ کانسی کا تمغہ اپنے نام کیا۔
انفرادی مقابلے میں انمول جین 580-17 پوائنٹس کے ساتھ نویں نمبر پر رہتے ہوئے فائنل راؤنڈ کے لیے کوالیفائی کرنے والے واحد ہندوستانی نشانہ باز تھے۔ ہندوستان کے امت شرما (588-24 پوائنٹس) کوالیفائنگ راؤنڈ میں پہلے نمبر پر رہے، جبکہ ورون تومر (584-24 پوائنٹس) چوتھے نمبر پر رہے، لیکن دونوں صرف رینکنگ پوائنٹس کے لیے کھیل رہے تھے۔
آدتیہ مالرا 579-20 پوائنٹس کے ساتھ کوالیفائنگ میں 13ویں نمبر پر رہے، جبکہ اولمپئن اور ایشین گیمز کے طلائی تمغہ جیتنے والے سوربھ چودھری 576-15 پوائنٹس کے ساتھ 21ویں نمبر پر رہے۔
فائنل میں انمول نے 155.1 اسکور کے ساتھ چھٹا مقام حاصل کیا۔ ہو کائی نے سونے کا تمغہ جیتا، جبکہ جنوبی کوریا کے سوہایون ہونگ اور ایران کے عامر نے باقی پوڈیم مکمل کیا۔
