پیرس//
فرانس کے وزیر اعظم جو ان دنوں صدر میکروں کی ہدایت پر بجٹ کا خسارہ کم کرنے اور معاشی بگاڑ کی اصلاح کی کوشش کر رہے ہیں۔ اپنے شہریوں کے لیے سالانہ دو چھٹیوں کو کم کرنے کی کوشش میں ہیں۔
وزیر اعظم فراسنو ابیرو ان دنوں بجٹ تجاویز پر کام کر رہے ہیں تاکہ ملک کی معاشی مشکلات کو بڑھنے سے روکا جا سکے۔
ان کی تجاویز میں سالانہ کیل ڈر کی دو تعطیلات میں ایک ایسٹر سے جڑی پیر کی تعطیل ہے جبکہ دوسری تعطیل جو آٹھ مئی کو نازیوں کے خلاف یورپی اتحادیوں کی جنگی فتح کی مناسبت سے ہر سال کی جاتی ہے۔فرانس میں مجموعی طور پر سالانہ 11 تعطیلات سرکاری طور پر کی جاتی ہیں۔
وزیر اعظم کے خیال کے مطابق اس اقدام سے فرانس کو سالانہ ٹیکسوں کی مدد میں 44 ارب یورو کا فائدہ ہو گا۔
صدر میکروں ایک جانب ملکی بجٹ میں خسارے کے بڑھنے سے پریشان ییں تو دوسری جانب روس کے مقابلے میں روس کے خلاف دفاعی تیاریوں کے لیے دفاعی بجٹ بڑھانی کی پریشانی لاحق ہے۔
پارلیمانی اکثریت کے بغیر صدر میکروں کی حکمران جماعت کو اس موسم خزاں میں بجٹ پاس کرنے کے لیے بائیں اور دائیں بازو کے مخالفین کی حمایت حاصل کرنا پڑے گی بصورت دیگر مشکلات ہو سکتی ہیں۔ مگر دو چھٹیاں کم کرنے کی وزیر اعظم کی اس تجویز پر دائیں بازو کی سب سے بڑی جماعت نے تنقید کی ہے۔
