چینی صدر برکس سربراہ اجلاس میں شرکت نہیں کریں گے

تہران//
چین کے صدر شی جن پنگ 6 اور 7 جولائی کو برازیل کے شہر ریو ڈی جنیرو میں ہونے والے برکس سربراہ اجلاس میں شرکت نہیں کریں گے۔
چینی صدارت کا عہدہ سنبھالنے کے بعد شی جن پنگ کی برکس سمٹ سے یہ پہلی غیر حاضری ہوگی۔ اس بار برکس اجلاس میں چینی صدر کی جگہ چینی وزیراعظم لی کیانگ شرکت کریں گے۔
کوویڈ کے 2 سال کے دوران بھی انہوں نے برکس کے اجلاس میں ورچوئلی شرکت کی تھی۔
چینی میڈیا کا کہنا ہے کہ مسئلہ شیڈولنگ کانفلکٹ کا ہے۔
دوسری جانب مغربی میڈیا کے مطابق برازیل کے حکام اور مبصرین کا ماننا ہے کہ اصل وجہ یہ ہے کہ برازیل نے بھارتی صدر نریندر مودی کو اسٹیٹ ڈنر کی دعوت دی ہے اور یہ بات چینی صدر کے لیے سفارتی ناگواری کا باعث بنی ہے کیونکہ اس سے تاثر جاسکتا ہے کہ جیسے برکس میں چینی صدر کی حیثیت ثانوی ہے۔