لبنان : ایلون مسک کو تباہ شدہ لبنانی ٹیلی کام کے شعبے کے کنٹریکٹ حاصل کرنے میں دلچسپی

بیروت///
بین الاقوامی شہرت کے حامل کاروباری اور ٹرمپ کے حال ہی میں فارغ ہونے والے معاون ایلون مسک نے لبنانی ٹیلی کام کے شعبے اور انٹرنیٹ کے شعبے میں کام کرنے میں اپنی دلچسپی کا اظہار کیا ہے۔انہوں نے اس سلسلے میں بدھ کے روز لبنانی صدر جوزف عون سے گفتگو میں اپنی خواہش کا اظہار کیا۔
جوزف عون کے مطابق ان کی سٹار لنک کے گلوبل ڈائریکٹر آف لائسنسنگ اینڈ ڈویلپمنٹ سے ملاقات ہوئی تو وہ کافی پرجوش تھے ۔
اب جمعرات کے روز فون پر ہونے والی بات چیت میں بھی انہوں نے اس بارے میں دلچسپی ظاہر کی میں نے انہیں بیروت آنے کی دعوت دی یے۔
مسک کا کہنا تھا وہ لبنان کے ٹیلی کمیونیکیشن اور انٹرنیٹ کے شعبوں میں دلچسپی رکھتے ہیں اور جلد بیروت کا دورہ کرنے پر غور کریں گے۔
جوزف عون کے دفتر کے مطابق صدر نے ایلون مسک کی خواہش کا خیر مقدم کیا اور ملک کے اندر موجود قانونی اور ریگولیٹری فریم ورک کے اندر ضروری سہولت فراہم کرنے کے لیے لبنان کی آمادگی کی تصدیق کی ہے۔