ہندوستانی جونیئر خواتین ہاکی ٹیم کو ارجنٹینا کے ہاتھوں 2-4 سے شکست کا سامنا

روزاریو (ارجنٹینا// ہندوستانی جونیئر ویمن ہاکی ٹیم کو اپنے آخری میچ میں میزبان ارجنٹائن کے خلاف 2-4 سے شکست کا سامنا کرنا پڑا۔
چار ملکی ٹورنامنٹ میں کنیکا سیواچ نے ارجنٹائن کے خلاف ہندوستانی ٹیم کے لیے دو گول (11ویں اور 45ویں) منٹ میں کئے۔
کھیل کے پہلے کوارٹر میں چار گول ہوئے۔ ارجنٹائن کے سول گوگنیٹ گونازو نے (پانچویں) منٹ میں پہلا گول کرکے اپنی ٹیم کو برتری دلادی۔ دو منٹ بعد سول اولالا ڈی لابرا نے (ساتویں) منٹ میں گول کرکے برتری کو دوگنا کردیا۔
ہندوستان کے لیے کنیکا سیواچ نے 11ویں منٹ میں گول کا فرق کم کیا۔ تاہم ارجنٹائن نے فوری جواب دیا، میلاروس ڈیل ویلے الاسٹرا نے 13ویں منٹ میں گول کرکے اسکور 3-1 کردیا۔
دوسرے کوارٹر میں ارجنٹائن نے اپنا چوتھا گول 37ویں منٹ میں میکسیما ڈوپورٹل کے ذریعے کیا۔ کنیکا نے 45 ویں منٹ میں کھیل کا اپنا دوسرا گول کر کے ہندوستان کو امید کی کرن دکھائی لیکن ارجنٹائن نے آخری کوارٹر میں زبردست کارکردگی کا مظاہرہ کرتے ہوئے 4-2 سے جیت درج کی۔