ہندوستان کی جونیئر خاتون ہاکی ٹیم شوٹ آؤٹ میں چلی سے ہار گئی

روساریو (ارجنٹینا)//ہندوستانی جونیئر خواتین ہاکی ٹیم کو جمعہ کے روز 2-2 سے برابری کے بعد چلی کے خلاف شوٹ آؤٹ میں ایک-تین ے شکست کا سامنا کرنا پڑا۔یہاں کھیلے گئے چار ملکی ٹورنامنٹ کے چوتھے مقابلے میں ہندوستان کی جانب سے سکھویر کور نے (35ویں) اور کنیکا سیواچ نے (47ویں) منٹ میں گول کیے ۔ وہیں چلی کی طرف سے جیسینتا سولاری نے (27ویں) اور کپتان لورا مولر نے (42ویں) منٹ میں گول کیے ۔لی نے دوسرے کوارٹر میں جیسینتا سولاری کے 27ویں منٹ میں پنالٹی کارنر کے ذریعے کیے گئے گول سے برتری حاصل کی۔ اس کے بعد تیسرے کوارٹر میں ہندوستان کی سکھویر کور نے پنالٹی کارنر کو گول میں بدل کر سکور 1-1 سے برابر کر دیا۔چلی نے 42ویں منٹ میں کپتان لورا مولر کے فیلڈ گول سے دوبارہ برتری حاصل کی لیکن ہندوستان نے چوتھے کوارٹر کا آغاز زوردار طریقے سے کیا اور کنیکا سیواچ نے 47ویں منٹ میں گول کر کے اسکور 2-2 سے برابر کر دیا۔مقررہ وقت میں اسکور 2-2 سے برابر رہنے پر میچ شوٹ آؤٹ تک پہنچا۔ جہاں چلی نے 3-1 سے فتح درج کی۔ چلی کی جانب سے جوزفینا کونسٹینزا گوٹیریز، ایزابیل لیونور میسین اور ترینی داد انتونیا بیریوس نے گول کیے ، جبکہ شوٹ آؤٹ میں ہندوستان کی جانب سے سونم نے ہی گول کیا۔ ہندوستان کا اگلا مقابلہ یکم جون کو یوراگوئے سے ہوگا۔یواین آئی