بڈگام میں یو اے پی اے کے تحت ملی ٹنٹ معاون کی گاڑی ضبط:پولیس

سرینگر//
پولیس کا کہنا ہے کہ وسطی کشمیر کے ضلع بڈگام میں غیر قانونی سرگرمیاں (روک تھام) ایکٹ (یو اے پی اے )۱۹۶۷کے تحت ایک ملی ٹنٹ معاون کی گاڑی کو منسلک کر دیا گیا۔
ایک پولیس ترجمان نے اپنے ایک بیان میں کہا کہ بڈگام پولیس نے ملی ٹنسی کی حمایت کرنے والے نیٹ ورکس میں خلل ڈالنے کیلئے ایک فیصلہ کن اقدام میں غیر قانونی سرگرمیاں (روک تھام) ایکٹ (یو اے پی اے )۱۹۶۷کے تحت ایک ملی ٹنٹ معاون کی گاڑی کو منسلک کیا ہے ۔
ترجمان نے کہا’’ضبط کی گئی گاڑی، انووا دہشت گردی کے ماڈیول سے منسلک تھی اور مدثر احمد راتھر ساکن کنٹ باغ کرالہ پورہ بڈگام کے قبضے میں تھی‘‘۔
ان کا کہنا تھا’’یہ ضبطی پولیس اسٹیشن چاڈورہ میں درج یو اے پی ایکٹ کے سیکشن۲۵کے تحت ایف آئی آر نمبر۲۰۲۴/۱۵۱میں عمل میں لائی گئی‘‘۔
پولیس ترجمان نے بتایا ’’یہ کارروائی دہشت گردی کا مقابلہ کرنے اور اس کے معاون ڈھانچے کو ختم کرنے میں بڈگام پولیس کی زیرو ٹالیرنس پالیسی کو واضح کرتی ہے ‘‘۔
ترجمان نے کہا ’’قانون نافذ کرنے والے ادارے دہشت گردی کے خاتمے کیلئے اپنے عزم کا اعادہ کرتے ہیں اور عوام پر زور دیتے ہیں کہ وہ خطے میں امن و سلامتی کو برقرار رکھنے میں تعاون کریں۔‘‘