ممبئی// ہندوستانی خواتین کرکٹ ٹیم کی سابق کپتان اور تمام طرز کی کرکٹ سے ریٹائرمنٹ لینے والی تجربہ کار کرکٹر متالی راج پر بننے والی بائیوپک ‘شباش میتو’ کا ٹریلر جاری ہو گیا ہے۔ فلم 15 جولائی کو سینما گھروں کی زینت بننے جا رہی ہے۔ تاپسی پنو کی اداکاری والی اس فلم نے شائقین کے ساتھ ساتھ کھیلوں کی دنیا میں بھی کافی دلچسپی پیدا کی ہے۔ 20 جون کو وائکام 18 کے ذریعہ جاری ہونے والے فلم کے آفیشل ٹریلر کے بعد شاباش میتو سوشل میڈیا یوجرس کے لیے ایک موضوع بحث بن گیا ہے۔
ٹریلر ریلیز ہونے کے چند ہی گھنٹوں میں اسے تقریباً 20 لاکھ لوگ دیکھ چکے ہیں۔ ساتھ ہی ہندوستانی خواتین کرکٹ ٹیم کی بلے باز مونا میشرم نے بھی فلم کے بارے میں اپنی دلچسپی کا اظہار کیا ہے۔ مقامی مائیکرو بلاگنگ پلیٹ فارم کُو ایپ پر فلم کا ٹریلر ویڈیو شیئر کرتے ہوئے لکھا ، "فلم میں اسے دیکھنے کا انتظار نہیں کر سکتی۔ ٹریلر بہت ہی شاندار ہے۔ امید ہے کہ یہ فلم دیدی کی زندگی کی طرح دلچسپ اور دمدارر ہو گی۔ ٹیم کو بہت بہت مبارک ہو۔ اگر آپ نے اسے ابھی تک نہیں دیکھا ہے تو اسے یہاں دیکھیں۔”
اس فلم کے ہدایت کار سریجیت مکھرجی ہیں اور اس کی کہانی پریا ایون نے لکھی ہے۔
متالی راج نے 2019 میں ٹی ٹوئنٹی انٹرنیشنل کرکٹ سے ریٹائرمنٹ لے لیا تھا۔ انہوں نے 89 ٹی 20 بین الاقوامی میچوں میں کل 2,364 رنز بنائے، جو اس فارمیٹ میں کسی بھی ہندوستانی کی طرف سے سب سے زیادہ ہیں۔ ساتھ ہی، 1999 میں 16 سال کی عمر میں ہندوستان کے لیے کھیلنا شروع کرنے والی متالی بھی اس کھیل کی عظیم ترین کھلاڑیوں میں سے ایک ہیں۔
