پی ڈی پی ہیڈکوارٹر میں آتشزدگی، فائر مین زخمی

سرینگر//
جموں کشمیر کے گرمائی دارالخلافہ سری نگر کے پولو ویو علاقے میں واقع پی ڈی پی ہیڈکوارٹر میں آتشزدگی کے ایک واقعے میں دو شیڈ جل کر خاکستر ہو گئے ۔
معلوم ہوا ہے کہ آگ بجھانے کی کارروائی کے دوران ایک فائر مین زخمی ہوا ہے ۔
اطلاعات کے مطابق، پیر کی صبح پولو ویو سری نگر میں اس وقت سراسیمگی پھیل گئی جب پی ڈی پی ہیڈکوارٹر سے آگ کے شعلے بلند ہونے لگے ۔
نامہ نگار کے مطابق، فائر اینڈ ایمرجنسی سروسز کے اہلکار فوری طور پر جائے وقوعہ پر پہنچے اور آگ بجھانے کی کارروائی شروع کی۔ تاہم، آتشزدگی کے اس واقعے میں دو شیڈ اور ایک چنار کا درخت مکمل طور پر جل کر خاکستر ہو گئے ۔
عینی شاہدین کے مطابق، آگ بجھانے کی کارروائی کے دوران فائر مین بشیر احمد زخمی ہو گیا، جسے فوری طور پر علاج و معالجہ کیلئے نزدیکی اسپتال منتقل کیا گیا۔
دریں اثنا، پولیس نے آگ لگنے کی وجوہات جاننے کیلئے کیس درج کر کے تحقیقات شروع کر دی ہے۔