شریس ایئر اور سنجو سیمسن کے درمیان مقابلہ دلچسپ ہوگا

چندی گڑھ// آئی پی ایل 2025 کے سیزن میں پہلے ہی دلچسپ مقابلے دیکھنے کو مل رہے ہیں لیکن پنجاب کنگز (پی بی کی ایس) اور راجستھان رائلز (آر آر) کے درمیان ہفتہ کو مہاراجہ یادوندر سنگھ انٹرنیشنل کرکٹ اسٹیڈیم ملاں پور میں ہونے والا میچ زیادہ دلچسپ ہونے کے آثار ہیں۔
پنجاب کے کپتان شریس ایر اور راجستھان کے کپتان سنجو سیمسن اس میچ کے مرکز میں ہوں گے۔ دونوں کھلاڑیوں نے اپنے حصے کی ناکامیوں کو برداشت کیا ہے لیکن وہ دوبارہ سرخیوں میں ہیں اور اپنی ٹیموں کو آئی پی ایل خطاب تک لے جانے کے لیے پرعزم ہیں۔ ایئر نے دو ناٹ آوٹ نصف سنچریوں (97* اور 52*) کے ساتھ منظرعام پر آگئے ہیں جس سے پی بی کے ایس نے دو میچوں میں دو جیت کے ساتھ شاندار شروعات کی ہے۔ دوسری طرف سیمسن، راجستھان کے اسٹینڈ آؤٹ پرفارمر رہے ہیں، انہوں نے تین میچوں میں 108 رن بنائے، لیکن ان کی ٹیم مستقل مزاجی کے لیے جدوجہد کر رہی ہے۔
اس مقابلے میں جوش و خروش میں اضافہ کرتے ہوئے سیمسن نے گزشتہ مقابلوں میں پی بی کے ایس کے تیز گیند باز ارشدیپ سنگھ پر غلبہ حاصل کیا ہے۔ دونوں کپتانوں کے ہندوستان کے T20 ورلڈ کپ اسکواڈ میں جگہ کے لئے زور لگا رہے ہین ، ایسے میں یہ مقابلہ صرف آئی پی ایل پوائنٹس سے کہیں زیادہ ہے، یہ بڑے اسٹیج پر دعویٰ کرنے کے بارے میں ہے۔
پنجاب زبردست فارم میں ہے، اس نے مسلسل دو جیت کے ساتھ ٹورنامنٹ میں دھوم مچا دی ہے۔ انہوں نے گجرات ٹائٹنز کے خلاف 11 رن کی سنسنی خیز جیت کے ساتھ آغاز کیا، جس نے 243/5 کا اسکور بنایا۔ اس سے قبل پربھسمرن سنگھ اور ائیر کی زبردست کارکردگی کی بدولت لکھنؤ سپر جائنٹس کو آٹھ وکٹ سے شکست دی۔ اس کے برعکس راجستھان کی شروعات ہنگامہ خیز رہی۔ انہوں نے سن رائزرس حیدرآباد کے خلاف ایک بڑے اسکورنگ مقابلے میں 242/6 اسکور کیا، لیکن ایس آر ایچ کے ریکارڈ توڑ 286 بہت زیادہ ثابت ہوئے۔ اس کے بعد مایوس کن بلے بازی کی وجہ سے کولکتہ نائٹ رائیڈرز کے خلاف ایک اور شکست کا سامنا کرنا پڑ۔ تاہم آر آرنے چنئی سپر کنگز کے خلاف واپسی کی اور چھ رن کی سنسنی خیز جیت درج کی۔ اس میچ میں نتیش رانا کی 36 گیندوں میں 81 رن کی دھماکہ خیز اننگز فیصلہ کن ثابت ہوئی۔
ریکارڈ میں دیکھا جائے تو آر آرنے برتری حاصل کی ہے، جس نے پی بی کے ایس کے خلاف اپنے 28 مقابلوں میں سے 16 جیتے ہیں، جبکہ پنجاب نے 11 بار جیت حاصل کی ہے ، ایک میچ ٹائی پر ختم ہوا۔ پی بی کے ایس کی بیٹنگ یونٹ مضبوط دکھائی دے رہی ہے، جس میں ایئر اور پربھسمرن سنگھ قیادت کر رہے ہیں جبکہ نہال وڈھیرا نے گزشتہ میچ میں ناٹ آوٹ 43 رن بنا کر ٹیم کو تقویت بخشی۔ آل راؤنڈرز میں ششانک سنگھ، گلین میکسویل اور مارکس اسٹوئنس توازن فراہم کرتے ہیں۔ میکسویل نے ابھی تک بلے سے اپنا جادو نہیں دکھایا لیکن گیند کے ساتھ انہوں نے اچھی کارکردگی کا مظاہرہ کیا ہے۔ اسٹوئنس اب بھی اپنی بہترین فارم کی تلاش میں ہیں۔
پی بی کے ایس کی گیند بازی ارشدیپ پر بہت زیادہ انحصار کرے گی، جو پہلے ہی دو میچوں میں پانچ وکٹیں لے چکے ہیں۔ لوکی فرگوسن اور مارکو جانسن رفتار اور اچھال میں اضافہ کریں گے، جبکہ یوجویندر چہل کے اسپن کے شعبے میں کلیدی کردار ادا کرنے کی امید ہے۔ آر آر کی امیدیں اپنے کپتان سیمسن پر ہیں، جو ان کے لیے سب سے زیادہ مستقل مزاج بلے باز رہے ہیں۔ انہین دھرو جوریل نے اچھی طرح سے سپورٹ کیا، جنہوں نے ایس آر ایچ کے خلاف 70 رن بنائے اور نتیش رانا، جنہوں نے سی ایس کے کے خلاف 81 رن بنائے، جنہوں نے راجستھان کے حق میں جیت کا راستہ موڑ دیا۔ ان کے باؤلنگ اٹیک کی قیادت وینندو ہاسرنگا کریں گے جنہوں نے گزشتہ میچ میں چار وکٹیں حاصل کی تھیں۔
جوفرا آرچر کی تیز رفتار، تشار دیشپانڈے کی سوئنگ اور مہیش تھیکشنا کی پراسرار اسپن آر آر کی گیند بازی میں مختلف قسم کا اضافہ کرتی ہے۔ ملان پور میں میچ کے دن آسمان صاف رہنے کی امیدہے اور درجہ حرارت 19 سے 37 ڈگری سینٹی گریڈ کے درمیان رہے گا۔ امید ہے کہ پچ ابتدائی طور پر بلے بازوں کے حق میں رہے گی، لیکن جیسے جیسے کھیل آگے بڑھے گا اسپنرز کو بھی کچھ مدد مل سکتی ہے۔ اس گراؤنڈ پر تعاقب کرنے والی ٹیموں کو فائدہ ملا ہے، پچھلے سیزن میں پانچ میں سے تین میچ دوسرے نمبر پر بلے بازی کرنے والی ٹیم نے جیتے تھے۔
ٹیمیں: پنجاب کنگز ممکنہ الیون: پریانش آریہ، پربھسمرن سنگھ (وکٹ کیپر)، شریاس ایئیر (کپتان)، ششانک سنگھ، مارکس اسٹوئنس، گلین میکسویل، سوریانش شیڈگے، مارکو جانسن، لوکی فرگوسن، یوجویندرا چہل، ارشدیپ سنگھ۔ کلیدی کھلاڑی: شریاس ایر، پربھسمرن سنگھ، ارشدیپ سنگھ۔
راجستھان رائلز کی ممکنہ الیون: یشسوی جیسوال، سنجو سیمسن، نتیش رانا، ریان پیراگ (کپتان)، دھرو جوریل (وکٹ کیپر)، شمرون ہیٹمائر، ونیندو ہسرنگا، جوفرا آرچر، مہیش تھیکشانا، سندیپ شرما، تشار دیشپانڈے۔ کلیدی کھلاڑی: سنجو سیمسن، نتیش رانا، وینندو ہسرنگا۔