ہیری بروک آئی پی ایل سے دستبردار

لندن// انگلینڈ کے اسٹار بلے باز ہیری بروک نے بین الاقوامی کرکٹ پر توجہ مرکوز کرنے کے لیے آئندہ انڈین پریمیئر لیگ (آئی پی ایل) سے اپنا نام واپس لے لیا ہے۔ یہ مسلسل دوسری بار ہے جب وہ اس فرنچائز ٹورنامنٹ سے دستبردار ہوئے ہیں۔
انگلینڈ سے تعلق رکھنے والے 26 سالہ بروک نے سوشل میڈیا پر یہ معلومات شیئر کرتے ہوئے کہا کہ وہ اس سال دہلی کیپٹلز کے لیے نہیں کھیلیں گے۔ انہوں نے لکھا، “میں نے آنے والے آئی پی ایل سے اپنا نام واپس لینے کا بہت مشکل فیصلہ لیا ہے۔ میں دہلی کیپٹلس اور ان کے حامیوں سے غیر مشروط معافی مانگتا ہوں۔ مجھے کرکٹ بہت پسند ہے۔ "بچپن سے ہی میں نے اپنے ملک کے لئے کھیلنے کا خواب دیکھا تھا اور میں اس سطح پر اپنے پسندیدہ کھیل کو کھیلنے کا موقع پاکر بہت شکر گزار ہوں۔””
انہوں نے کہا، "میں نے اس فیصلے پر سنجیدگی سے غور کرنے کے لیے ان لوگوں کی رہنمائی میں وقت لیا ہے جن پر مجھے اعتماد ہے۔ یہ انگلینڈ کرکٹ کے لیے واقعی اہم وقت ہے اور میں آئندہ سیریز کی تیاری کے لیے پوری طرح پرعزم رہنا چاہتا ہوں۔ ایسا کرنے کے لیے، مجھے اپنے کیریئر کے اب تک کے مصروف ترین دور کے بعد ری چارج کرنے کے لیے وقت درکار ہے۔‘‘
بروک نے کہا، "میں جانتا ہوں کہ ہر کوئی اس بات کو نہیں سمجھے گا اور میں ان سے یہ توقع نہیں رکھتا، لیکن مجھے وہی کرنا ہے جو مجھے صحیح لگتا ہے اور اپنے ملک کے لیے کھیلنا میری ترجیح اور توجہ ہے۔” میں اپنے مواقعوں اور مجھے ملنے والی حمایت کے لیے بہت مشکور ہوں۔””