جے شنکر 4 سے 9 مارچ تک برطانیہ، آئرلینڈ کے دورے پر ہوں گے

نئی دہلی//وزیر خارجہ ڈاکٹر ایس۔ جے شنکر 04 سے 09 مارچ تک سرکاری دورے پر برطانیہ اور آئرلینڈ جائیں گے ۔
وزارت خارجہ نے آج یہاں یہ اطلاع دی۔ ہندوستان اور برطانیہ کے درمیان ایک جامع اسٹریٹجک ساجھیداری ہے جس نے دفاع اور سلامتی، تجارت اور معیشت، صحت، تعلیم، عوام سے عوام کے تعلقات سمیت مختلف شعبوں میں باہمی تعاون کو مضبوط کیا ہے ۔
دورے کے دوران وزیر خارجہ اپنے برطا نوی ہم منصب برطانیہ کے خارجہ سکریٹری ڈیوڈ لیمی کے ساتھ بات چیت کریں گے اور کئی دیگر معززین کے ساتھ ساتھ ہندوستانی کمیونٹی کے اراکین سے بھی ملاقات کریں گے ۔
ہندوستان اور آئرلینڈ مشترکہ جمہوری اقدار، ثقافتی تعلقات اور بڑھتے ہوئے اقتصادی تعلقات پر مبنی دوستانہ دو طرفہ تعلقات کا اشتراک کرتے ہیں۔ وزیر خارجہ 06-07 مارچ کو اپنے دورہ آئرلینڈ کے دوران آئرلینڈ کے وزیر خارجہ سائمن ہیرس، دیگر معززین اور ہندوستانی برادری کے اراکین سے ملاقاتیں کریں گے ۔
وزیر خارجہ کا دورہ برطانیہ اور آئرلینڈ دونوں ملکوں کے ساتھ ہندوستان کے دوستانہ تعلقات کو نئی تحریک دے گا۔